Nafarroako Gobernuak, Nafarroako Despopulazioaren aurkako Estrategiaren bidez, bere landa-herrietako despopulazioa irauli nahi du, benetakotasuna, iraunkortasuna eta modernitatea uztartzen dituen bizimodua sustatuz.
Hiri handiek biztanleria biltzen duten baina ongizatean, kontziliazioan eta giza konexioan gabeziak sortzen dituzten mundu honetan, Nafarroako herriak asmo horiei guztiei benetako erantzun gisa azaleratzen dira.
Lehiaketa honen helburua herrietako bizimoduaren abantailak argazkien bidez erakustea da, landa-guneetako edo despopulazio-arriskuan dauden Nafarroako herrietako bizitzaren eszenak balioetsiz.
Kontsultatu hemendespopulatzeko arriskuan dauden Nafarroako herriak
INSPIRATU
Aurkitu hemen despopulazio-arriskuan dauden Nafarroako herrietan zehar egindako erreportaje ibiltarian egin diren argazkien adibide batzuk:
FORMATUA
Argazki bakoitzari kontakizun labur bat erantsiko zaio, oinarri hauetan aurreikusitakoaren arabera, irudiaren mezu positiboa indartzeko. Horrela, lehiaketak landa-ingurune despopulatuko bizimoduari buruzko imajinario kolektiboan aldaketa bat sustatu nahi du, bere alderdi aberasgarriak eta garapen pertsonal eta komunitarioko aukerak nabarmenduz.
ARGAZKIA
Parte-hartzaile bakoitzak gehienez hiru (3) obra aurkeztu ahal izango ditu.
Formatu digitalean aurkeztu beharko da (kalitate handiko JPEG fitxategia edo gehiegizko konpresiorik gabeko beste formatu estandar bat, hala nola TIFF), behar besteko dimentsioarekin, inprimaketa behar bezala egingo dela bermatzeko 30 x 40 zm tamainan (adibidez, 300 ppp-ko gutxieneko bereizmena irudiaren alde nagusian 30 zm-rako).
Koloretako edo zuri-beltzeko argazkiak onartzen dira.
Debekatuta dago argazkia adimen artifizial generatiboaren bidez sortzea edo manipulatzea
Errebelatze digitalerako oinarrizko doikuntzak onartuko dira, jatorrizko hartunearen esentzia desitxuratzen ez dutenak (adibidez, distira, kontrastea, kolorea, garbitasuna edo zarata-murrizketak).
KONTAKETA
Testu hau irudiaren azalpen- edo narrazio-osagarria izango da, eta mezua indartuko du; ez du egilea identifikatzeko daturik izango.
Argazki bakoitzarekin batera doan kontakizun laburrak jatorrizkoa izan beharko du, eta gehienez 144 karaktere izango ditu (espazioak barne).
Gaztelaniaz edo euskaraz idatzi ahal izango da, parte-hartzailearen aukeran.
ENTREGA
Lehiaketan formatu digitalean baino ez da parte hartuko. Lan bakoitza posta elektroniko bidez aurkeztu beharko d helbide honetara: despoblacion@navarra.es
Bidaltzen den lan bakoitzeko, parte-hartzaileak bi fitxategi digital bereiziko ditu:
ZIP fitxategi bat: argazkia adierazitako formatuan (lanaren izenburuak/leloak izendatua) eta PDF dokumentu bat izenburua + argazkia + argazkiari dagokion udalerria + irudiarekin batera doan kontakizun laburra.
Hemen deskargatu daitekeen dokumentua, PDF formatuan bidalia, egilearen datuekin. Pdf horri lanaren izenburu bera jarri behar zaio, eta, ondoren, "DATUAK" hitza.
MODALITATEAK ETA SARIAK
2 sari-modalitate ezartzen dira, eta gehienez 8 sari:
Argazki onenaren saria: lehiaketaren gaiarekin bat datorren kalitate tekniko, artistiko eta adierazkor handieneko argazkiari ematen zaio, kontaketa edozein dela ere:
Lehen saria: 1.000 euro.
Bigarren saria: 500 euro.
Hirugarren saria: 300 euro.
Lehiaketaren ikuspegi integrala hobekien islatzen duen argazkirako akzesita: 200 euro.
Kontakizunarekin egindako argazki onenaren saria: nabarmenena den lanari ematen zaio (argazkia eta testua bateratua), irudiaren eta kontakizun laburraren osagarritasunagatik, sormenagatik eta kalitate konbinatuagatik:
Lehen saria: 1.400 euro.
Bigarren saria: 700 euro.
Hirugarren saria: 420 euro.
Lehiaketaren ikuspegi integrala hobekien islatzen duen argazkirako akzesita: 280 euro.
INFORMAZIO GEHIAGO: Aurkitu informazio guztia lehiaketaren oinarrietan.
