Zer da Nortasun Digitalaren Karpeta?

Nafarroako Gobernua nortasun digitaleko zorro bat garatzeko proiektu pilotu batean ari da lanean, Foru Administrazioak eskaintzen dituen zerbitzu publikoetarako sarbidea errazteko.

Nortasun digitaleko zorro berri horri esker, "wallet" ere esaten zaionari esker, herritarrak errazago sartu ahal izango dira Karpeta Sozialera, lehen fase honetan, Historia Sozial Bakarrera sartzea errazten duen tresnara, alegia. Gainera, pixkanaka zabaltzen joango da, Nafarroako Gobernuaren beste izapide administratibo batzuk ere egin ahal izateko ondorengo faseetan. Ekimen horrek identifikazio-aukera bat emango du, zerbitzu publikoetarako sarbide inklusiboagoa eta eskuragarriagoa izateko, bai eta Gizarte Eskubide, Gizarte Ekonomia eta Enplegu Sailarekin hainbat izapide egiteko ere, eta, horrela, arrakala digitala murrizten eta zerbitzu digitaletarako sarbide unibertsala sustatzen lagunduko du.

"Wallet" hau nortasuna egiaztatzeko aplikazio bat da, erabiltzaileek gailu mugikorretan deskargatu ahal izango duten kredentzial baten bidez eta dagoeneko eskuragarri dauden sistemei (CL@VE eta ziurtagiri digitala) gehituko zaie, proiektu pilotu honetan Karpeta Sozialera sartzeko. Guztiz doakoa da eta edozein pertsonak erabiltzeko diseinatuta dago, ezagutza teknologikoaren maila edozein dela ere.

Metodologia

Nortasun digitaleko zorroaren testatzea bizitza erreala probatzeko ingurune batean egin da, non bai erabiltzaileek bai tresnaren egileek elkarrekin sortu duten Nafarroako nortasun digitaleko zorroaren azken bertsioa.

Gidatu gaituen oinarri metodologikoa "ikerketa irekia" izan da, hausnarketa kolektiboko prozesuak sustatuz eta teknologia garatzen duten pertsonen eta azken erabiltzaileen artean loturak zabalduz eta sortuz.

Probatzean lau printzipio metodologiko aplikatu ditugu:

Zorro digitalaren azken erabiltzaileentzat balioa sortzea Erabiltzaileek prozesuan eragina izatea eta parte hartzea.
Probatzea ahalik eta modu adierazgarrienean diseinatuta egotea.
Proiektuaren eskalagarritasuna

Probatzeko jardunaldia

Nafarroako Gobernuko Lehendakaritza eta Barne Departamentuak, VidAAs eta Veridas zentroekin batera, nortasuna egiaztatzeko aplikazioa probatu dute. Proba hori azaroaren 20an egin zen, Baluarten.

Proba profil desberdinetako 39 pertsonak egin dute, tresna teknologikoa inklusiboa, eskuragarria eta unibertsala dela bermatzeko, eta proba pilotu horretan erabilgarritasuna zituen zailtasunak hauteman ditugu, oztopo horiek aldatzeko eta, horrela, ahalik eta tresna irisgarriena eraikitzeko.

Jarraian, proban parte hartu zuten profilak zehaztuko ditugu:

ADINEKOAK

9 adineko, adinekoen kolektiboa da arrakala digitala gehien pairatzen dutenetako bat, eta, beraz, lehentasunezkoa izan da arrakala digitala kudeatzeko oztopo eta zailtasun nagusiak zehaztea.

Generoaren aldagaia kontuan hartu da, adineko emakumeek neurri handiagoan pairatzen baitute arrakala digitala. Kolektibo honetan kontuan hartu den beste aldagai bat pertsonaren adin-tartea da, eta denbora-tarte desberdinak estali dira. Horrela, tresna modu zabalean aztertu dugu 65 urtetik gorako pertsonetan, zailtasunak eta horiei lotutako neurri zuzentzaileak definitu ahal izango ditugu.

DESGAITASUNA DUTEN PERTSONAK

Mugitzeko desgaitasuna eta/edo desgaitasun organikoa duten 10 pertsona. Desgaitasuna duten pertsonen gizarteratze teknologikoa funtsezkoa da, ahalik eta pertsona autonomoenak izateko aplikazioak sortzea. Kasu horretan, funtsezkoa izan da tresnaren erabilgarritasuna probatzea, balizko egokitzapen-aldaketak hautemateko.

Horrela, eskubide digitalak eta sarbide unibertsala bermatzen ditugu

ZAINTZAILEAK

Zaintzaileak oso kolektibo feminizatua dira, eta wallet-a izapideak eta baliabideak hurbilduko dizkien baliabide erraztailea izango da. Tresna hori 10 zaintzailetan aztertu dugu, eta profilean zaintzaileari, adinari eta generoari buruzko bi aldagai hartuko ditugu kontuan.

GIZARTERATZEKO PROGRAMETAKO PERTSONAK

AIZ duten eta dokumentuak argazki-identifikazioa duten 10 pertsona, probak bi aldagai hartuko ditu kontuan, jatorrizko herrialdea eta adina. Ahalik eta talde heterogeneoena eraiki dugu, tresnaren erabilerraztasun- eta irisgarritasun-oztopo guztiak identifikatzeko.