Ibilgailu euromodularrak

Megakamioiak eta duotrailerrak: zer diren eta zer bidetatik ibil daitezkeen Nafarroan

Ibilgailu-multzo horiek, orain, trafikoari irekita dagoen erabilera publikoko edozein bidetatik ibil daitezke, aldez aurreko baimenik eskatu gabe. 

Nafarroak horrelako ibilgailuendako ibilbide-sare bat du. 

Zer da ibilgailu euromodularra?

Hona hemen haren ezaugarri nagusi batzuk: 

  • Multzo euromodular bat da sei ardatz-lerro baino gehiago edo bi modulu baino gehiago dituen ibilgailu-multzo bat. Modulu horietako bakoitza ibilgailu bat da, eta bakoitzak bere aldetik bete behar ditu Ibilgailuen Erregelamendu Orokorrean ezarritako gehieneko masak eta neurriak (IX. eranskina).
  • Multzo euromodularrek 32 metroko luzera har dezakete, eta 72 tona pisatu, gehienez. Inola ere ezin dituzte gainditu ardatz-mota bakoitzerako ezarritako gehieneko masa-balioak.
     

Ibilgailu euromodular bat errepide batean zirkulatzen.
 

Baldintza teknikoak

Ibilgailu euromodularrek bete behar dituzte Ibilgailuen Erregelamendu Orokorraren 1. eranskinean ezartzen diren baldintza teknikoak.  
 

Zer bidetatik ibil daitezke Nafarroan?

Errepidera irten aurretik, funtsezkoa da ibilgailuaren titularrak jakitea ea aldi baterako murrizketarik dagoen bideetan (kontsultatu Nafarroako errepide-sareko gorabeherak), obrengatik, egoera metereologikoarengatik edo bidaian eragina izan dezaketen bestelako gorabeherengatik.

2025ean, Espainiako Gobernuak baimena eman zien erkidegoetako trafikoaren arloko organo eskudunei ezar zezaten ibilgailu-mota horiek zirkulatzeko ibilbide-sare bat, betiere bide horien titularren txosten loteslea jaso ondoren.   Eta, ibilbide-sare horretan ibiltzeko, ez dute baimen espezifikorik behar. 

Nafarroako Foru Komunitatearen kasuan, Nafarroko Gobernuko Trafikoko Zuzendaritzak finkatu du ibilbide-sare hori, eta Nafarroako Aldizkari Ofizialean ageri da.
 

Konfigurazio euromodularreko multzoentzako bide-sarea 

Izena Errepide Errepide-tartea (kilometro-puntuak adierazita) Azalpena
Nafarroako autobidea  AP-15, 1. tartea 0,20 - 83,13 AP-68tik A-15era
Nafarroako autobidea AP-15, 2. tartea 96,2 - 112,15 A-15etik AP-15era
AP-15aren adarra N-113tik AP-15-R 0,37 - 6,67 N-113tik AP-15era
Iruñeko Mendebaldeko ingururabidea A-15, 1 tartea 83,13 - 96,20 AP-15etik AP-15era
Iparraldeko autobia A-1 391,68 - 405,45 Arabako mugatik Gipuzkoako mugara
Sakanako autobia A-10 0 - 30,44

AP-15etik A-1era
Donejakue bideko autobia A-12 4,12 - 78,18

Iruñeko mugatik Errioxako mugara
Leitzarango autobia A-15, 2. tartea 112,15 - 139,76

AP-15etik Gipuzkoako mugara
Pirinioetako autobia A-21 6,39 - 51,81

Noandik Zaragozako mugara
Ebroko autobia A-68 84,1 - 116,54

N-232tik N-232ra
Iruñeko ingurabidea PA-30 2,56 - 9,31

PA-31tik N-135eko gurutzagunera
Iruña - Madril N-113 72,57 - 78,85

Los Abetos bidegurutzetik Errioxako mugara
Iruña - Madril N-113 82,34 - 101,37

Errioxako mugatik Errioxako mugara

 

Ibilbide-sare horretatik kanpoko bideetatik ibil daitezke?

Ibilbide-sare horretatik ez ezik, multzo euromodularrek gehienez ere 10 kilometro egin ditzakete sare horretatik kanpoko errepideetan barna, Nafarroan. Horretarako, baldintza hauek bete behar dituzte: 

  • Distantzia hori egin behar izatea, baimendutako ibilbide-sarearen parte diren errepide-tarte batetik bestera joateko. 
  • 10 kilometroko distantzia hori egitea, bidaiaren abiapuntutik hasita baimendutako ibilbide-sarera sartzeko. 
  • Distantzia hori egin behar izatea, baimendutako ibilbide-saretik helmugara iristeko.
  • Ibilgailuaren titularrak aldez aurretik ziurtatu beharko du errepide-tarte horietan ibiltzen ahal dela.
     

Harremanetarako datuak

Trafikoa Koordinatzeko Atala