Ogasunak errekarguak aplikatzen ditu aitorpena epez kanpo aurkezteagatik eta borondatezko epean ez ordaintzeagatik. Errekargu horiek jasota daude Tributuei buruzko 13/2000 Foru Lege Orokorraren 50., 52. eta 117. artikuluetan. 

Errekarguak, aitorpena epez kanpo aurkezteagatik Ogasunak errekerimendua egin gabe: 

• Epea bukatu eta hurrengo hilabetean: Ordaindu beharreko zorraren % 1, berandutze-interesik eta zehapenik gabe.
• 1. hilabetetik 3. hilabetera bitartean: Ordaindu beharreko zorraren % 5, berandutze-interesik eta zehapenik gabe.
• 4. hilabetetik 12. hilabetera bitartean: % 10, berandutze-interesik eta zehapenik gabe.
• 12 hilabete igaro ondoren: % 15, berandutze-interesekin eta zehapenik gabe.

 
Epe exekutiboko errekarguak, borondatezko epean ez ordaintzeagatik. Errekarguak bateraezinak dira; hots, bata edo bestea aplikatuko da, eta borondatezko epean ordaindu ez den zorraren osotasunaren gainean kalkulatuta. 

• % 5eko errekargu exekutiboa (berandutze-interesik gabe): zor guztia premiamendu-probidentzia jaso aurretik ordaintzen bada.
• % 10eko premiamendu-errekargu murriztua (berandutze-interesik gabe): zor guztia eta errekargua ordaintzen badira premiamendu-probidentziaren jakinarazpena jaso eta hilabeteko epean. 
• % 20ko premiamendu-errekargu arrunta (gehi berandutze-interesak): zor guztia ordaintzen bada premiamendu-probidentziaren jakinarazpena jaso eta hilabete igarotakoan.

 
Esteka honetan kalkulatzen ahal dituzu berandutze-interesak.