Udal-plan orokorraren tresna osagarriak

Maila baxuagoko hirigintza-dokumentuak dira, plan egituratzaileen (udal-plan orokorra edo udalez gaindiko plan/proiektu sektoriala) eta plan horiek garatzen dituztenen zehaztapenak osatzen dituztenak.

Honako hauek dira tresna horiek:

1.    Katalogoak: beren balio edo ezaugarri bereziengatik bereziki babestu behar diren eraikinen, monumentuen, lorategien eta abarren zerrendak dituzte. 

2    Eraikuntzari eta urbanizazioari buruzko udal-ordenantzak: eraikuntzen alderdi morfologikoak eta apaingarriak, eraikuntza- eta urbanizazio-obren baldintzak eta higiezinetan jarduerak baimentzeko baldintzak arautzen dituzte.