Zerbitzuaren baldintzak:

• Arreta-ordutegia astelehenetik ostiralera bitartekoa da, 9:00etatik 14:30era, jai-egunak ez diren egunetan. Konpromisoa hartzen dugu herritarrek bidalitako mezuei egun baliodun bateko epean lehen erantzuna emateko.
• Mezuetan hizkuntza inklusiboa erabiltzen da, eta ikus-entzunezko artxiboetan ez da genero-estereotiporik erabiltzen.
• Nafarroako hizkuntza ofizialak erabiltzen dira, gaztelera eta euskara, foru-araudiak ezarritakoaren eta sustatzen diren edukien eskuragarritasunaren arabera.
• Elkarreragiketa guztiak aberasgarriak eta errespetuzkoak izan daitezen, funtzionamendurako oinarrizko hiru arau ezartzen dira; horrela, herritarren edukiak joko-arau erraz horiekin bat ez badatoz, ezabatu egingo dira edo horien egileak blokeatuko dira:
  1. Hizkera zuzena eta errespetuzkoa erabiltzea. Deskalifikazio pertsonalak, irainak edo iruzkin mingarriak saihestea.
  2. Datu pertsonalak, norberarenak edo hirugarrenak, dituzten edukiak ez argitaratzea, ezta pertsonen irudiak ere, haien baimenik gabe.
  3. Landutako gaiarekiko koherentzia izatea, argitalpen baten inguruan ekarpenak egiterakoan.

Zalantzaren bat baduzu, jar zaitez gurekin harremanetan; horretarako, bidali mezua helbide honetara: rrss@navarra.es.