Descárgate la app
Etxebizitza babestuen prezioen historikoa - Etxebizitza nafarroa.eus
arrow_upward
Etxebizitza babestuen prezioen historikoa
Etxebizitza babestuen prezioen historikoa
Orri honetan, etxebizitza babestuak erosteko eta alokatzeko azken urteetan finkatutako gehieneko prezioak kontsulta ditzakezu
Orri honetan, etxebizitza babestuak erosteko eta alokatzeko azken urteetan finkatutako gehieneko prezioak kontsulta ditzakezu
Zalantzak dituzu taulak interpretatzeko moduari buruz? Klika ezazu hemen gehiago jakiteko.
Prezioak metro koadro erabilgarri bakoitzeko ezartzen dira. Horrenbestez, etxebizitzaren prezioa kalkulatzeko, eragiketa hau egin behar duzu: metro koadroaren balioa bider etxebizitzak dituen metro koadro erabilgarriak.
Prezioak urtero eguneratzen dira, azken hamabi hilabeteetan KPIak izan duen aldaketaren arabera, erreferentziatzat hartuta urte bakoitzean azaroaren 30ean ezagutzen diren datuak.
Metro koadroaren balioa desberdina da salmentarako eta alokairurako.
Gehieneko salmenta-prezioak
Metro koadro erabilgarriaren prezioa honako aldagai hauen arabera aldatzen da:
- Babes ofizialeko edo prezio tasatuko etxebizitza izatea, edo beste araubide zahar batekoa.
- Etxebizitza berria edo erabilia izatea.
- Etxebizitza berria da lehen aldiz saltzen dena; oro har, sustapenak esleitzean.
- Etxebizitza erabilia da aldez aurretik hura erosi duen norbaiti erosten zaiona. Baita lehen aldiz saltzen dena ere, baldin eta behin betiko kalifikaziotik urtebete baino gehiago igaro bada.
- Etxebizitza, garajea edo eranskina izatea (trastelekua, lokala eta abar).
- Garajeak etxebizitzaren prezio bera du, baldin eta ez bada 14 metro koadro erabilgarri baino handiagoa (30 metro, 4/2006 Foru Dekretua indarrean sartu aurreko etxebizitzen kasuan). Handiagoa bada, eranskinen balioa izanen du.
Etxebizitza berrietan, urte jakin bateko prezioak aplikatzen zaizkie urte horretan behin-behineko kalifikazioa eskatu duten etxebizitzei.
Gehieneko alokairu-prezioak
Metro koadro erabilgarriaren prezioa desberdina da herriaren arabera. Iruñerrian, Tuteran, Lizarran eta Tafallan handiagoa da Nafarroako gainerako tokietan baino.
Urte baterako ezarritako gehieneko prezioak aplikatzen zaizkie urte horretan administrazioak ikus-onesten dituen kontratu berriei eta kontratuen berritzeei, nahiz eta kontratua urtarrilaren 1a baino lehen sinatu.
Hala ere, ez zaizkie aplikatzen luzatzen diren kontratuei, kontratuetan ezarritakoaren arabera arautuko baitira. Kontuan izan behar duzu kontratuak gehienez 4 urtez luza daitezkeela.
Processing actions...
Processing actions...