Benito Menni ospitalearen fatxada (Elizondo)

Osasun mentaleko arazoak dituzten pertsonak zentro bati esleitzean haien autonomia-maila eta zentroa dagoen tokia hartzen dira kontuan. Horrek esan nahi du ohiko ingurunean mantentzen saiatu behar dela, eta etxea dela bizitzeko lekurik desiragarriena; eta, behar izanez gero, etxez etxeko zerbitzuak emanez lagundu behar dela. Horregatik, pertsona batzuk komunitatean eta etxebizitzan familia-euskarri nahikorik gabe mantentzen laguntzeko pentsatuta daude eguneko zentroak.

Etxebizitza laguntzadunak, tutoretzapeko pisuak eta gainbegiratutako pisuak familiaren ordezko bizitoki izan dira, eta jatorritik hurbilen dagoen erkidegoan mantentzea ahalbidetzen dute. Aukera horrek nahikoa gaitasun eskatzen dio pertsonari autonomiaz bizitzeko eta eguneroko bizitzako jardueretan nolabaiteko tutoretza- edo gainbegiratze-mailarekin parte hartzeko.

Egoitzak dira plaza eta langile gehien behar dituzten baliabideak; izan ere, buru-nahasmendu larriak dituzten pertsonak artatzen dituzte, mendekotasun handiagoa dutenak eta familia-ingurunean mantentzen zailak, eta langileak behar dituztenak ondoan etengabe. 

Era berean, etxe-egoitzak daude, erkidegoko egoitza-baliabideak, irekiagoak eta malguagoak, mugagabeak edo aldi baterakoak.

Azkenik, baliabide horien lagungarri, errehabilitazio psikosozialeko zentroak daude, eguneko arreta-zerbitzuak, buruko nahasmendu larria duten pertsonei gizartean normaltasunez moldatzeko eta ahalik eta modu autonomoenean funtzionatzeko behar dituzten trebetasunak ikasteko edo berreskuratzeko aukera ematen dietenak, ospitale edo egoitza batean sartzea saihestuz edo atzeratuz.

Nafarroako Gobernuak hitzartutako plazak ditu zentro pribatu hauetan: