Airearen Kalitatearen Indizeak adierazten du airearen kalitatea estazio bakoitzean, herritarrek erraz identifikatzen ahal dituzten kolore eskala batean oinarrituta, horien kalkulua egiteko metodologia ezartzen duen eranskinean ezarritakoa betez. Indize horri ematen zaio estazioan zehazten diren kutsatzaileetako edozeinen kategoriarik txarrena.

Airearen kalitatearen indizea kalkulatzen da ondoko denborazko batez besteko honen arabera:

• NO2 eta SO2: Azken ordu erdiko batez besteko kontzentrazioa baliatzen da.
• O3: Azken 8 orduetako kontzentrazioen batez besteko mugikorra erabiltzen da.
• PM10 eta PM 2,5 neurtzeko, azken 24 orduetako kontzentrazioen batez besteko mugikorra erabiltzen da.

Airearen Kalitatearen Indizea kalkulatu eta ikusteko metodologia Ingurumen Kalitate eta Ebaluazioaren Zuzendaritza Nagusiak 2020ko irailaren 2an emandako Ebazpenean oinarritzen da. Ebazpen horren bidez aldarazi zen Airearen Kalitatearen Indize Nazionala onesten duen martxoaren 18ko TEC/351/2019 Aginduaren eranskina https://www.boe.es/buscar/pdf/2019/BOE-A-2019-4494-consolidado.pdf
 

Airearen kalitatearen indizearen balioak orduko
Airearen kalitatearen azpimaila	NO2	SO2	PM10	PM2.5	O3
Ona	0 | 40	0 |100	0|20	0|10	0|50
On samarra	41| 90	101|200	21|40	11| 20	51|100
Hala-holakoa	91|120	201|350	41 | 50	21|25	101|130
Desegokia	121| 230	351| 500	51| 100	26|50	131|240
Oso desegokia	231|340	501|750	101|150	51|75	241|380
Guztiz desegokia	341|1000	751|1250	151|1200	76|800	381|800

Airearen kalitatea kontrolatzeko estazioen datuak eguzki ordutegian erakusten dira:

Ordu ofiziala baino ordu bat gutxiago neguko ordutegian (urriko azken igandetik martxoko azken igandera arte).

Ordu ofiziala baino bi ordu gutxiago udako ordutegian (martxoko azken igandetik urriko azken igandera arte).