Euskarabideak, Udalerri Euskaldunen Mankomunitatearekin (UEMA) batera, euskarazko antzezlan bat sortzeko beka bat antolatu du. Deialdia, Arnasa Gara programaren barruan dago eta proiektuak aurkezteko epea azaroaren 15era arte egongo da zabalik.

Proiektu garaileak aukera izango du bere lana estreinatzeko 2022ko azaroan ospatuko diren Azpeitiko Euskal Antzerki Topaketetan. Eskura izango du halaber sorkuntza prozesurako Dinamoa sormen gunea, eta beka sustatzaileei dagokie antolatzea, gutxienez, beste hamar funtzio, estreinaldiaz gainera.

Deialdi hau Arnasa Gara programari dagokio, zein 2019an Nafarroako Gobernuak, Eusko Jaurlaritzak eta UEMAk sortu zuten helburu nagusi bati jarraiki: herri euskaldunek eta “arnasguneek” (hizkuntza nagusitzat euskera dutenek) euskerari egiten dioten mesedea azpimarratzea eta herritarrak kontzientziatzea.

Udalerri Euskaldunen Mankomunitateak Nafarroa iparraldeko 14 herri barne hartzen ditu, Araba, Bizkaia eta Gipuzkoako beste herri batzuez gain. Udalerri hauek duten euskeraren ezagutza eta erabilera % 75etik gorakoa da; hortik datorkie “arnasguneak” izena. Horien artean daude Baztan, Leitza, Bera, Goizueta, Etxarri Aranatz, Arbizu edo Areso.

Kanpaina

Arnasa Gara programaren aurtengo kanpainaren ardatz nagusia, hain zuzen “arnasguneen” garrantzia nabarmentze aldera sorturiko eta herri batzuetan eskainiko den antzezlanaren estreinaldian datza. Euskeraz egin beharko da, proposamenen epemuga 2021eko azaroaren 15ean izanik. Aurkeztutako lanak aztertzean, epaimahaiak bekaren irabazlea aldarrikatuko du, 2021eko abenduaren 3an.

Proiektu garaileak, 23.000 euro jasoko dituenak, gidoiaren zirriborro bat aurkeztu behar dio epaimahaiari 2022ko apirilaren amaierarako. Era berean, antzerki-taldeak aukera izango du erabiltzeko, bi edo hiru astetan zehar, erakundearen kontura doan Azpeitiko Dinamoa sormen gunea, barne hartuz egonaldia, sorkuntza-gunea, baliabide teknikoak, ostatua eta mantenua.

Oinarrietan xedatuari jarraiki, bekaren zenbatekoarekin talde garaileak atrezzo eta eszenografia gastuak ordaindu beharko ditu, erakundeak hautatutako lau udalerritan antzezlana dohainik eskainiz. Antzokirik ez duten herri txikietako jarduketen baldintzak pertsona antolatzaileen eta talde garailearen artean adostuko dira.

Lanaren aurkezpena Azpeitiko Euskal Topaketetan

Azpeitiko Euskal Topaketetan, 2022ko azaroan, lana aurkeztu ostean,  kontratatuko dira, gutxienez, beste 10 emanaldi, kontuan hartuta talde  cachea eta udalerri txikiekin egokitzea. Zehazki, oinarrien eskakizunen harira, lana moldagarria izan behar da antzoki zein areto txikiagoekiko, izan ere, udalerri askotan ez dago antzokirik.

Oinarrietan gutxienez 10 emanaldi zehazten badira ere, asmoa da lana ahalik eta udalerri gehienera hedatzea, betiere baldintzak eta egutegia antzerki-taldearekin egokituz, edukierak eta agendak kontuan hartuta.

Antolatzaileek kontatu dute Dinamoa sormen gunearen eta Azpeitiko Udalaren kolaborazioarekin oinarriak zehazteko, eta epaimahaian kide batekin kontatuko dute, Nafarroako Gobernuak, Eusko Jaurlaritzak eta UEMAk esleitutako ordezkariekin batera.