Elma Saiz Nafarroako Ekonomia eta Ogasun kontseilari eta CPEN-eko kontseilari delegatuak, Francisco Fernandez Nistal Udalbatzako zuzendari nagusiarekin batera, 2021-2024 urteetarako Plan Estrategiko berria aurkeztu du gaur goizean.

Aurkezpenean zehar, Saiz kontseilariak zera ziurtatu du "Nafarroako Gobernua konbentzituta dagoela CPEN erakundeari eta sozietate publikoen multzoari zeregin nagusia betetzea dagokiela, lidergo publikoaren atal aurreratuena bailiran; rol hori dagoeneko arrakastaz bete izan da beste une historiko batzuetan". Ildo horretatik, Saizek azpimarratu du Plan Estrategiko berria sortu dela "Nafarroaren erronka itzelak ebazteko pandemia osteko eszenatoki honetan gainditzekotan gabiltzan berealdiko erronken aurrean".

Bere aldetik, Francisco Fernandez Nistal CPEN-ko zuzendari nagusiak esan du CPEN-etik lan egingo dela enpresa-sektore publikoa aurreratu eta eraldatu dadin, lidergoaren finkapena bilatuz, Nafarroaren garapen motorra delako, eta erakundeak gizarte nafarrari egiten dion ekarpena bistaratuz. "Enpresa Korporazio Publikoan gauden sozietate publikoak lurraldea egituratzeko eta gure erkidegoaren kohesio soziala irmotzeko baliabide giltzaren moduan arituko gara lanean, halaber etorkizuneko Nafarroa bultzatuz, hura berraktibatzen eta eraikitzen jarraitze aldera", erantsi du.

Gaur goizean aurkeztutako CPEN-eko Plan Estrategikoa gauzatzen da 24 estrategietan, 68 ekintzetan eta 93 konplimendu adierazletan, osatu ahal izateko 8 ardatz estrategiko: jasangarritasun finantzarioa hala nola ekonomia nafarraren motor bideratzailearen zeregina; barne eta kanpo komunikazioa; CPEN-ren finkapena Matrize eta Korporazio bezala; digitalizazioa, CPEN-etik sozietate publikoetarantz; CPEN-eko gobernantza eta lidergoa; pertsonen garapenerako estrategia; partaide izatearen sustapena eta jasangarritasun alorreko lidergoa, berrikuntza eta kudeaketa praktika egokien bultzada.

Plan honetan planteatutako estrategien artean nabarmentzekoak dira sozietate publikoen digitalizazio estrategia; arlo kritikoetako kudeaketa prozesuen berrikuntza; erosketen funtzio estrategikoaren finkapena eta garapena; informazio komunerako sistemen ezarpena giza baliabideen alorrean, zeinetan talentuaren hautaketa eta kudeaketa bideratuko den; edota asistentzia teknikoa Next Generation EU – Berraktibatu Nafarroa Planean.

Nafarroaren garapena sustatzeko korporazio bat

Nafarroako Gobernuak garatzen duen zerbitzu publikoa bermatzeko eta Foru Erkidegorako aberastasunaren sorrerari ekarpena egiteko, Nafarroak Enpresa Korporazio Publiko garrantzitsu batekin kontatzen du, 16 sozietate eta 1.300 profesional baino gehiago barne hartzen dituena. Bai sozietateek eta bai profesionalek ezagutza espezializatu baten ekarpena egiten dute jardueraren arlo barietate zabal batean. Zehazki, enpresa publikoetatik jorratzen dira arlo ezberdinak, adibidez nekazaritza eta abeltzaintza; etxebizitza eta lurraldearen garapena; enpresa-ehunaren finantzaketa eta garapena; ingurumena; kudeaketa azpiegituretan (kasu araztegiak, telekomunikazio, superkonputazio zentroak edo kultura-, kirol- eta aisialdi-instalazioak); hezkuntza; kartografia eta lurralde informazioaren sistemak; zientzia-dibulgazioa; industria-jarduera; adimen artifiziala edo medikuntza pertsonalizatua.

Sozietate matrize bezala, CPEN erakundeak bermatzen du sozietate publikoen funtzionamendua koordinatzea, jarduketarako politika eta jarraibide komunak eta horien segimendua ezartzea, helburua izanik enpresa-sektore publiko erreferente orekatu eta jasangarri bat lortzea, efizientzia, eraginkortasuna eta balioaren sorrera bezalako irizpideak jarraituz.

Era berean, Korporazio Publikoa baliabide giltza da Nafarroako berrikuntzaren trakziorako hala nola lurralde eta gizarte egituraketari begira, erantzukizun publikoaren balioak transmititzeko eta Nafarroako Gobernuaren departamentu ezberdinetako politikak betearazi arazteko elementu bideratzaile bezala.