Descárgate la app
Nafarroak eta Kataluniak trafiko eta larrialdietarako lankidetza-bideak zabaldu dituzte
2021ko irailaren 3a
Nafarroak eta Kataluniak trafiko eta larrialdietarako lankidetza-bideak zabaldu dituzte
El vicepresidente primero y consejero de Presidencia, Igualdad, Función Pública e Interior, Javier Remírez, se ha reunido esta mañana en Barcelona con su homólogo, el conseller de Interior de la Generalitat de Catalunya, Joan Ignasi Elena, para intercambiar experiencias y abrir vías de cooperación en materia y de tráfico, seguridad vial y emergencias.
Javier Remírez lehen lehendakariordea eta Lehendakaritzako, Berdintasuneko, Funtzio Publiko eta Barneko kontseilaria Joan Ignasi Elena Kataluniako Generalitateko Barneko Kontseilariarekin bildu da gaur goizean Bartzelonan, esperientziak trukatzeko eta trafikoari, bide-segurtasunari eta larrialdiei buruzko lankidetza-bideak irekitzeko.
Biek adierazi dute lankidetzarako eta informazioa trukatzeko akordioak ezarri nahi dituztela larrialdien eta trafikoaren arloan, Nafarroak Trafikoaren eta Bide Segurtasunaren eskumena hartzen duenetik aurrera.
Javier Remirez kontseilariak adierazi du Nafarroako Gobernuak bilera honen bitartez “esperientziak trukatu nahi dituela trafikoaren eta bide-segurtasunaren inguruan, Nafarroak datorren hilabeteetan bere gain hartuko baitu eskumen hori. Kataluniako eredua ezagutu nahi izan dugu, erreferentziazko ibilbidea egin baitu, prebentzioan, bide-hezkuntzan eta herritarrak mugikortasun seguru eta iraunkorrean kontzientziatzen oinarrituta; era berean, trafikoaren kontrolerako politika eraginkorrei dagokienean, herritar guztien mugikortasun segurua bermatzeko”.
Remírezek nabarmendu du asmoa dela “Kataluniako Generalitatearekin lankidetza-lokarria ezartzea, trafikoaz eta bide-segurtasunaz haratago, honako gai hauen inguruan: herritarren segurtasuna, herritarren eskubideak eta askatasunak defendatzea eta babes zibila eta larrialdien kudeaketa. Gure ustez, sinergia oso positiboak sor ditzakegu bi gobernuen artean, eta oso gustura gaude”.
Horrez gain, adierazi du Nafarroako Gobernuak lan egingo duela eskumen hori jada duten erreferentziazko beste administrazio batzuekin; esate baterako, Euskal Autonomia Erkidegoa.
Bestalde, Kataluniako Barne kontseilari Joan Ignaci Elena gustura agertu da egindako bisitarekin, eta bi gobernuen artean lankidetza-bideak irekitzeko prest agertu da, trafikoaren nahiz segurtasunaren aldetik. Bilera, batez ere, Kataluniako trafiko-eredua ezagutzeko egin da, Barne Departamentuarentzat lehentasuna izanik. Helburua da, kontseilariaren arabera, "bi urteetan hildakoak %15 jaistea; hau da, %50eraino 2030ean, 2050ean zero heriotza izateko Europako helburuarekin".
Elenak adierazi du bileran, halaber, honako gai hauek izan dituztela hizpide: "segurtasun-gaiak, ordena publikoaren inguruan duten kezka eta gure hirietan bizikidetza kudeatzea lankidetzarako giro oso positiboan".
Bartzelonara egindako bisitan, Remirez lehendakariordeak eta Barneko zuzendari nagusi Amparo Lopezek Trafiko Zerbitzuaren instalazioak, Servei Català de Trànsit (SCT) eta Kataluniako Bide Informazioaren Zentroa, Centre d’Informació Viària de Catalunya (CIVICAT) ezagutu dituzte, komunitate horretako trafikoaren eta bide-segurtasunaren kudeaketari buruzko informazioa eta esperientziak trukatzeko. SCT instalazioak bisitatzerakoan, Ramon Lamiel Villarók, Servei Català de Trànsit-eko zuzendariak, eta Unitate horretako trafikoaren kudeaketako arduradun Jean Peñak egin diete harrera.
Era berean, eta larrialdiei dagokienean, Kataluniako koordinazio operatiboaren zentroan (CECAT) izan dira, eta Babes Zibileko zuzendari nagusia den Mercè Salvatek hartu ditu.
Trafikoaren transferentzia Nafarroari urtea amaitu aurretik
Bidaia Nafarroako Gobernua egiten ari den lanean kokatzen da, Foru Komunitateak trafikoaren eta bide-segurtasunaren eskumena urtea amaitu aurretik bere gain hartzeko.
Nafarroako Lehendakari Maria Chivitek ikasturte politikoa irekitzerakoan adierazi zuen moduan, Foru Exekutiboaren asmoa da Espainiako Gobernuak egindako proposamenari erantzun teknikoa bidaltzea datozen asteetan, eta, horrela, Trafikoaren eta Bide Segurtasunaren transferentzia-akordioa urtea amaitu aurretik gauzatzea espero du.
Duela hilabete batzuetatik hona, eta Barneko Zuzendaritza Nagusiak gidatuta, Nafarroako Gobernua hainbat departamentu koordinatzeko lana garatzen ari da, transferentziaren plangintza integrala ezartzeko; plangintzaren barnean, honako hauek bezalako kontzeptuak sartzen dira: zehapen-prozedura, bide-segurtasunaren inguruko politika, trafikoaren kudeaketa, errepideen zaintza eta kontrola, gidarien eskolak, hezitzaileen prestakuntza, bide-hezkuntza- eta –prestakuntza eta estatistika, besteak beste.
Gaitasun-matrize bat garatzen ari da, eragindako lan-arloak banakatzeko, lotutako proiektu teknologikoak identifikatuta eta eskumena bere osotasunean garatzeko beharrezkoak diren baliabideak definituta.
Horretarako, antolaketa-mailako analisia eta analisi juridikoa eta teknologikoa egiten ari dira, kudeaketa-eredu desberdinen azterketa kontrastatuarekin batera, tartean Kataluniarako bisita.
Datozen asteetan, Remirez lehendakariordea bere euskal homologoarekin ere biltzea aurreikusi da, hots, lehen lehendakariorde eta Euskadiko Segurtasuneko sailburu den Josu Erkorekarekin. Remirezek Euskadiko Trafikoaren Kudeaketarako Zentroa bisitatuko du.
Horrez gain, Espainiako Gobernuko Trafikoko Zuzendaritza Nagusiarekin (DGT) bilerak egingo ditu. Helburua da informazioa eta ezagutza trukatzeko bideak definitzea nahiz trafikoaren eta bide-segurtasunaren kudeaketan erakundeen arteko lankidetza eta koordinaziorako espazioak zehaztea.