Kultur 2021 musika- eta eszena-programak Zugarramurdi, Elizondo eta Iracheta (Leotz), bisitatuko ditu asteburu honetan uztailaren 30ean eta 31n. Bertan, Juan Mari Beltrán, Anne Etchegoyen eta Andueza-Jaso-Escrich hirukotearen emanaldiak izango dira.

Larunbatean, uztailak 31, Elizondoren eta Iratxetaren txanda izango da: 19:00etan, Andueza-Jaso-Escrich hirukoteak jazzez beteko du Iratxetako pilotalekua (Leoz); 20:00etan, Anne Etchegoyen artistak Emazte diskoa aurkeztuko du Elizondoko Braulio Iriarte pilotalekuan, Baztanen.

Bitartean, Kultur 2021ek bere arte plastikoen erakusketa eskaintzen jarraitzen du Bertiz Jaurerrian, Gua-Mia-Buren Azken eguzkilorea-rekin, abuztuaren 31ra arte bisitatu daitekeena.

‘Kostaldeko soinuak’, Juan Mari Beltrán

Kostaldeko Soinuak lanarekin, Beltranek euskal kostaldean barna joan nahi du, itsasoko, itsasontzietako, marinelen, arrantzaleen eta arraunlarien istorioak kontatzen dituzten kantu eta doinuen lagun. Guztira 16 pieza dira, Lapurdiko, Gipuzkoako eta Bizkaiko herri-kantutegitik hartutakoak. Horietako batzuk dantza-zatiak dira, letrarik gabeak; gainerako kantuen gaiak askotarikoak dira: itsasontzietan izandako gosea, ekaitzak, tragediak, baleen arrantza, marinel herrietako gertaerak, Kristobal Kolonen bizia, emigrazioa, Ternuara zihoazen marinelen beldurrak, etab. Beltran lagunduko duten musikariak Ander Barrenetxea Lasarte, Aitor Gabilondo eta Errege Beldad ira.

Errezital honetan ahotsekin batera euskal herri-musikan erabilitako musika-tresnak joko dira, gaur egun erabiltzen direnetako batzuk eta lehenago maizago erabiltzen ziren beste batzuk, hala nola akordeoia, txistua, danbolina, klarinetea, dultzaina, txalaparta, xirolarrua, arrabita, zarrabetea, panderoa eta danborrak.

Andueza-Jaso-Escrich hirukotea

Musikan soinu eta bide berriak aurkitzeko beharragatik eta jakin-minagatik sortu zen hirukote hau. Hiru musikari, askotariko eta elkarren kontrako ibilbideak izanik ere jazzak eta berrikuntzak batzen dituenak, tradizio musikala eta jazzekoa inoiz ere alde batera utzi gabe. Mikel Andueza, herrialdeko Jazzman handietako bat, Javier López Jaso, jazzean izan dituen lorpenengatik ezaguna den musikari eta akordeoi-jotzaile ezaguna, eta Marcelo Escrich kontrabaxu-jotzaile ezagun eta ospetsua.

Iratxetako pilotalekuan eskainiko den kontzertuaren egun berean, Ezagutu Baldorbako Arte Erromanikoa bisita eskainiko da, 10:00etan hasiko dena, Orisoainen (Leoz).

‘Emazte’, Anne Etchegoyen

Emazte albumean, Anne Etchegoyenek gogora ekarri nahi izan du emakumea eta horretarako, euskal kantaria baita, hain maite dituen gaurkotasuneko gaiak lantzen ditu, ñabardura maskulinoz jositako kantu batean bere ukituak emanez.

Arrakastatsua izan da oso bere aurreko Les Voix Basques proiektua, Smart/Sonyk 2013an egina. 80.000 kopia baino gehiago saldu ditu eta bi milioi lagunek baino gehiagok ikusi dute bideoklipa. Hartara, kontzertu asko eman ditu, gehien-gehienak gaineraino beteak: Donostiako Kursaal-en eta Victoria Eugenia antzokian, Bilboko Guggenheimeko aitzinaldean, BBK aretoan eta Arriaga antzokian.

Elizondon eskainiko duen kontzertuaren egunean, Baztango bailarak bisita gidatua eskainiko du Amaiurko gaztelu eta museora, 17:00etan gaztelaniaz eta 12:30ean euskaraz, gutxienez bi laguneko talde batentzat.