Nafarroako Gobernuak onartu du, gaurko bere saioan, 2021ean zehar garatuko duen estatistika programa, 185 eragiketa barne hartzen dituena, eta horietatik hamar lehenengo aldiz egingo dira.

Nafarroako Parlamentuak joan den apirilaren 29an onartu zuen 2021-2024 Nafarroako Estatistika Plan berria, Nafarroako Estatistika Institutuak garatuko duena, Ekonomia eta Ogasuna Departamentuaren mendean.

 Orain, Gobernuak ontzat eman ditu 2021ean zehar garatuko diren ikerketak. Hain zuzen, 2021-24 Planak barne hartzen dituen 193etatik 185 estatistika eragiketa egitea aurreikusi da . Horietako 169 aurten jendaurrean barreiatzea aurreikusten dute eta gainerakoek faseren bat hartuko dute, hurrengo urtetan barreiatuz. Bestalde,102 kolaborazio hitzarmenetatik eratorritako jarduketei dagozkie.

Gainera, 10 eragiketa lehenengo aldiz egingo dira. Eskari turistikoa edo herritarren ezaugarri sozio-ekonomikoak bezalako gaiak barne hartzen dituzten galdeketak dira. Horietako 6 Ekonomia eta Ogasunak sustatzen ditu, beste 2 Ekonomia eta Enpresa Garapenak, eta 1 Herritarrekiko Harremanak eta Landa Garapenak eta Ingurumenak.

Urte honetarako planteatutako helburuen artean aurkitzen da adierazleen sistema baten ezarpena zeinek Gobernuaren planak eta estrategiak ebaluatzea ahalbidetuko duen, arreta berezia emanez Garapen Jasangarriko Helburuetako 2030 Agendaren adierazleei. Halaber bilatzen da genero ikuspegia, lurraldea, nazionalitatea eta jaiotza herrialdea, desgaitasuna eta galdeketari erantzun dioten pertsonen adina bezalako elementuen informazio banandua eskaintzea, diagnostikoa eta erabaki hartzeak elaboratzeko erabilgarriak izaten direnak.

Helburuen arteko beste batzuk dira Nafarroako Estatistika Sistemako elementuen koordinazioa hedatzea eta estatistika ofizialaren erabilera sustatzea, analisia, politika publikoen ebaluaketa eta erabaki hartzeak erabiliz.

Departamentuen araberako banaketa

Jarduketa gehien aurreikusten dituen departamentua Ekonomia eta Ogasunekoa da, 83rekin. Jarraitzen diote, jada oso urrunetik, Landa Garapena eta Ingurumena (38), Osasuna (28) eta Eskubide Sozialak (13). Gainerako departamentuak fluktuatzen dabiltza Hezkuntzako 7, Lehendakaritza, Berdintasuna, Funtzio Publiko eta Barnekoari dagozkien 5, eta Lurralde Kohesioko edota Ekonomia eta Enpresa Garapeneko 3ren artean. Amaitzeko, departamentu bakoitzeko eragiketa batekin, Politika Migratzaileak eta Justizia, Herritarrekiko Harremanak, Unibertsitatea, Berrikuntza eta Eraldaketa Digitala, eta Kultura eta Kirola ditugu.

2017-20 Balantzea

Foru Exekutiboak onartu du, halaber, gaurko bere saioan, 2020. urtean eginikoari buruzko txostena, hala nola 2017-2020 urtetako Plana ebaluatzeko programa.

Lau urtez behingo balantzean, kontuan hartu dira honako alderdiak: exekuzio maila, ekoizpen prozesu estatistikoaren dokumentazioa, genero ikuspegia, informazio banandu gehien duen lurralde esparrua eta erabiltzaileek adierazitako informazioa eta gogobetetasuna.

Datu hauen artean, aipatzekoa da exekuzioaren maila handia, zeinek planteatutako eragiketen % 97,5a hartzen duen (200etik 195). Halaber % 23tik % 64,7ra heltzen da eragiketen portzentajea ekoizpen fase dokumentaturen batekin, eta lau urte hauetan zehar sexu aldagaia erantsi da aldagai hau erabili ahal duten eragiketa guztietan.

Epe honetan Nafarroako Gobernuaren eta enpresen, unibertsitateen, erakunde publikoen eta partikularren eskaerak hedatu egin dira. Gaiei buruz, herritarrak, demografia eta alderdi sozialak lantzen dituztenak dira eskatuenak. Erabiltzaileen balorazioa oso ona izan da; % 95,1ak kontsideratu du erantzuna egokia izan dela eta % 77,1ak berriz, jasotako arreta oso ona izan dela.