Nafarroako Gobernuak, gaurko bilkuran, foru dekretu bat onartu du Kulturaren Vianako Printzea 2021 saria Teresa Catalan ikertzaile eta konpositoreari emateko.

Teresa Catalanek Pablo Sarasate Kontserbatorioko titulua du eta Sienan (Italia) hezia da. Bere hautagaitzan, Tomas Marco Aragon Nafarroako Kultura eta Arteen Kontseiluko kideak proposatua, bere formazio musikal zabala nabarmentzen da.

Nafarroako Gobernuak sustatutako Vianako Printzea saria, Foru Komunitateko kulturaren arloko saririk handiena, eta helburua da, sariaren oinarriek jasotzen duten bezala helburua da, "Kulturaren munduan garrantzitsuak diren pertsona edo erakundeen ibilbidea nabarmentzea eta aitortzea, arte plastikoen, musikaren, literaturaren eta abarren esparruetako sormen-ekintza zein zientziaren, teknikaren eta ikerketaren esparruetako lana ulertuz".

32. edizioa betetzen duen saria ekainaren 19an emango du Erriberrin, Nafarroako Lehendakari Maria Chivitek,

Urdalurretik Irurtzunerako hornidura-sarearen egikaritzeak ukitutako ondasun eta eskubideen okupazioa presazkotzat jo da

Nafarroako Gobernuak, Lurralde Kohesiorako Departamentuak proposatuta, erabaki bat hartu du gaurko bilkuran, Urdalurretik Irurtzunerako hornidura-sarea gauzatzeak eragindako ondasun eta eskubideen okupazioa presazkotzat jotzeko, nahitaez desjabetzearren. Hain zuzen ere, Satrustegi eta Etxarren arteko tartean 509.215,85 euro inbertituko ditu Foru Gobernuak.

Zuazu, Etxarren, Ekai eta Arakil harana Irañetako Urrunzurre iturburutik hornitzen dira, orain arte ez baitzuten edateko uren araztegirik. Urdalurren dago herriei ura eman diezaiekeen edateko uren araztegi bakarra.

Neurri horren bidez, aipatutako udalerriak kontsumorako urez hornituko direla bermatu nahi da, horrek foru, nazio eta erkidego mailako osasun-eskakizunak bete ditzan, herritarrei ematen zaien edateko uraren kutsadura bakteriologikoak eragindako gaixotasunak saihesteko.