Metauten eta Zuñiga udalerriek dagoeneko oinezkoentzako eta bizikletentzako bi ibilbide dituzte, Vasco-Navarro Trenbidearen bide berdean sartuta dauden hogeita hamar udalerritara konektatzeko aukera ematen dutenak. Maria Chivite Nafarroako Lehendakariak udalerrien arteko joan-etorrietan mugikortasun jasangarria bultzatzen duten azpiegitura berrien aurkezpenean parte hartu du gaur goizean.

Lehendakariak, bere bisitan nabarmendu du ibilgailu motordunen eta errepideen mendekotasuna murriztera bideratutako jarduerak direla, bide-segurtasuna areagotuz, eta landa-turismoaren eta kirol-praktiken eskaintzaren bidez beren eragin-eremuetan sortzen duten garapen ekonomikoa azpimarratu du.

Bernardo Ciriza, Lurralde Kohesiorako kontseilariarekin; Berta Miranda Garraio zuzendari nagusiarekin; Oihana Beraza Metauteneko alkatearekin eta Pedro Mª Oteiza Zuñigako alkatearekin; Chivite Lehendakaria Metautenen eraiki den bizikleta-ibilbidearen zati bat bizikletaz ibili da

Bide berriak

Zuñigako eta Metautengo bideek antzeko baldintzak dituzte, hiru metro zabal eta areka, ura ebakuatzen laguntzeko, egitura kaltetu gabe. Erabiltzaileentzako informazio seinaleak dituzte ere.

Metautengo udalerriak 6 kontzeju ditu (Ganuza, Arteaga, Zufia, Metauten, Ollogoien eta Ollobarren), eta 288 biztanle, guztira. Milarin bidea bezala ezaguzen den gunean egin dira lanak, Vasco Navarroko bide berdean Siernako bihurgunearekiko lotuneraino, eta Ollobarren-Ganuza bidean, bide berdetik hasten dena. Horrek aukera ematen du aran osoa zeharkatzeko, 11 kilometroko ibilbidea eginez, sei kontzejuak zeharkatuz eta Boilurraren Museorako sarbidea emanez. Inbertsio horri esker, hiru kilometro bide egokitu dira, edozein ibilgailu eta/edo ibiltariren zirkulazioa zailtzen zuen egoera txarrean zeudenak.

Zuñigan, 109 biztanle dituelarik, bide berriak 497 metroko luzera du eta NA-7191 errepidearekiko paraleloan doa, hirigunea Vasco-Navarro trenbidearekin lotuz, NA-132 errepidearen inguruan.

Jarduera horiek 110.000 euroko aurrekontua izan dute guztira. Metauteneko lanek 70.000 euroko inbertsioa izan dute; horietatik 55.000 Garraio Zuzendaritza Nagusiak jarri ditu eta15.000 Proiektu Estrategikoen Zuzendaritza Nagusiak. Bestalde, Zuñigako ibilbidea, 40.000 euroko kostuarekin, Garraio Zuzendaritzak finantzatu du osorik.

Ibilbide berri horiei esker, Zuñiga eta Metautengo haranak bide berdea osatzen duten hogeita hamar herriekin lotuko dira, bizikleta eta oinezkoentzako bide baten bidez. Vasco-Navarro trenbidearen ibilbideak Nafarroa eta Gipuzkoa lotzen ditu, Arabatik barrena, 120 kilometroko ibilbide batean, eta Lizarrako sei herri (Lizarra, Zubielki, Zufia, Murieta, Antzin eta Acedo) eta Euskadiko 23 (Santikurutze Kanpezu, Antoñana, Atauri, Maeztu, Erentxun, Trokoniz, Estibaliz, Andollu, Aberasturi, Otazu, Gasteiz, Durana, Retana, Luko, Urbina, Legutio, Landa, Leintz-Gatzaga, Eskoriatza, Aretxabaleta, Arrasate , Oñati eta Bergara).

Garraiobide alternatiboak sustatzea

Bi ekintzak Nafarroa Suspertu 2020-2023 Planaren barruan eta Nafarroako Mugikortasun Jasagarriaren Plan Zuzentzailearen barruan sartzen dira. Nafarroa Suspertu 2020-2023 Planak mugikortasun jasangarriaren aldeko eta ibilgailu motordun pribatuaren ordezko garraiobideak bultzatzeko apustua egiten du.

Plan horrek, bizikletaren esparruan, hainbat jarduera aurreikusten ditu, hala nola Nafarroako udalerrietan bizikleta-gune berriak eraikitzea, tokiko erakundeekin lankidetzan, edo kartografia interaktibo bat egitea Foru Komunitatean bizikletak erabiltzeko dauden ibilbide guztiekin.