Lurralde Kohesiorako Departamentuak, Herri- Lanen eta Azpiegituren Zuzendaritza Nagusiaren bitartez, apirilaren amaieran N-121-A errepidearen bigarren zatia eraikitzeko lanak hastea aurreikusten du. 12 kilometroko tartea egingo da Olabe zeharbidetik (10+500 kp) Lantzeko bidegurutzeraino (22+500 kp). Datozen egunetan lanen behin betiko esleipena egitea aurreikusten da.

Bigarren tarte honen nobedade nagusienen artean nabarmentzekoa da Etulain eta Lantzeko sarbideen berrikuntza, egungo bidegurutzeen zabalkundeak eta aldaketak direla medio, zeinetan barne hartu diren gorriz seinaleztatutako sarrera eta irteera errail independenteak, errepidetik aldendutako biribilguneak eta argiztapen sistemak. Horrez gain, Enderitzeko hego irteerako biribilgunea hedatuko da eta aurrerapen tarteak berrantolatuko dira, kontrako noranzkoa ez inbaditzea zainduz eta metalezko barrera bereizgarriekin kontatuz, ibilgailuen ilarak murrizteko eta ibilbidearen bide segurtasuna bermatzeko asmoz.

Gogoratu behar da otsailean abiatu zela N-121-A errepidea 2+1 motako errepidea bihurtzeko eraldaketa, bere segurtasuna eta funtzionaltasuna hobetzeko helburuari jarraiki. Lehenengo tarteko obrak, zeinek barne hartzen dituen Ezkaba eta Olabe arteko tunelak, aurreikusitako erritmoan doaz aurrera. Udazkenean amaitzea aurreikusten da eta 8,1 milioi euroko aurrekontu batekin kontatzen dute.

Espainiako lehen araua 2+1 errepideen inguruan

N-121-A errepideko 2+1 proiektua ezaugarri hauetako lehenengo eraldaketa integrala da Espainiako errepide batean, izan ere, egundaino 2+1 motako diseinuak Kataluniako errepideen sareko tarte heterogeneotan baino ez dira exekutatu.

Errepide mota hauek sustatzeko helburuarekin, Garraio, Mugikortasun eta Hiri Agenda Ministerioak (Mitma), Errepideen Zuzendaritza Orokorraren bitartez, onartu berri du 2+1 errepideen gaineko lehenengo arau espainiarra, horrela hibrido bat eratuz autopisten/autobideen artean, bereizitako bi galtzadekin eta galtzada bakarreko ohiko errepideekin.

Mitma-ren arabera, errepide mota hauei buruz aipatu ahal diren abantaila nagusienak ondorengoak dira: segurtasun baldintza hobeak ohiko errepideari dagokionez, zeren lortuko lirateke zerbitzu maila hobea, ibilbidean garatutako batez besteko abiadura handiagoekin; ingurumen kalte urriagoak autopista edo autobide batekin alderatuta; diseinu baldintzen malgutasun handiagoa, ohiko errepide batean ezinbestekoa den aurrerapen distantzia lortu behar ez izatean; ibilgailu motelei aurreratzea ahalbidetuz, haien presentzia esanguratsua izaten den tokietan; eta ageriko murrizketa eraikuntzaren kostuan autopista/autobide batekin alderatuta.

Aipatutako abantailen ondorioz, Mitma ministerioak arau bat landu du zeinen arabera administrazioak, proiektugileak, pertsonal teknikoak, eta abar hornituko diren 2+1 errepide baten proiekturako funtsezkoak diren erabaki guztiak barne hartzeko oinarrizko euskarri batekin. Horrela, Espainiak arau berezi batekin kontatzen du gaur egun Europako herrialde ugaritan (Suedia, Finlandia, Alemania, Frantzia, Irlanda, besteak beste) eta munduko gainerakoetan (EEBB, Kanada edo Australia) esperientzia zabalarekin kontatzen duten errepide hauetarako. Are gehiago, bere errepide sarea hedatzeko eta hobetzeko bidean dauden herrialdeen artean dago esaterako Polonia, zeinetan irtenbide honen aldeko apustu irmoa egin den.