Euskarabideak Nafarroako sektore publikoan euskara zabaltzeko aldizkaria argitaratu du

Euskararen inguruan Nafarroako administrazio publikoetan egiten diren ekimenen topagune izan nahi du ENAP argitalpenak
2021ko otsailaren 12a
ENAP aldizkariaren azala. 
camera_alt ENAP aldizkariaren azala.   Deskargatu irudia collections Irudi galeria

Euskarabidea-Euskararen Nafar Institutuak aldizkari bat argitaratu du Foru Erkidegoko sektore publikoan euskara zabaltzeko. Nafarroako administrazioetatik euskararekin zerikusia duten ekimen guztiak zabaltzeko erakundeak aldizkariaren lehen zenbakia bidali die sektore publiko langileei.

Aldizkaria sei hilean behin argitaratzen da formatu digitalean, eta parte-hartzailea izango da, erakundeek egindako ekarpenak barne. Ohar historikoak ere aurkitu daitezke, Nafarroako sektore publikoan iraganean egindakoak gogoratuz. Aldizkariaren edukiak euskaraz idatzita daude eta testu bakoitzaren amaieran gaztelaniazko laburpen bat agertzen da.

Nafarroako sektore publikoko entitateek, Nafarroako Parlamentuak, toki-entitateek edo Administrazioak berak, ekintza kontaezinak egiten dituzte euskararen garapenaren eta babesaren alde, Euskararen Foru Legeak ezartzen duen bezala, batzuetan hizkuntza-plangintza baten barruan eta beste batzuetan beren ekimenez. Euskarabidean ekintza horiek biltzeko eta zabaltzeko beharra ikusi da, ENAP aldizkaria topagune gisa hartuta.