Nafarroako Gobernuak foru dekretu bat onartu du gaurko saioan 2021erako egun baliogabeak izendatzeko, epeak zenbatzeko.

Zehazki, larunbatak eta igandeak izango dira eta beste hamahiru jai-egun hauek: urtarrilak 1 eta 6; martxoak 19; apirilak 1, 2 eta 5; maiatzak 1; urriak 12; azaroak 1; eta abenduak 3, 6, 8 eta 25.

Horiei beste bat gehituko zaie, toki-mailakoa, dagokien Udalek proposatuta, Nafarroako Gobernuko Enpresa Politikako, Nazioarteko Proiekzioko eta Laneko zuzendari nagusiaren ebazpen bidez ezarrita.