Nafarroako Gobernuak, Toki Administrazioaren eta Despopulazioaren Zuzendaritza Nagusiaren bidez, guztira 99.158 euroko diru-laguntzak eman dizkie 69 udali, udaletxeetan administrazio elektronikoa ezartzeko eta, horrela, herritarrek administrazio publikoekin harremanak izateko duten eskubidea ahalbidetzeko.

Laguntzen deialdian ezarritako moduan, toki-erakunde onuradunek inbertsio horien %50a ordaindu behar dute gutxienez, BEZ barne. Bakoitzak gehienez 4.000 euro jaso ahal izango ditu.

Gehien eskatutako kontzeptuen eta emakidaren xede direnen artean, administrazio elektronikoko software plataformak ezartzea eta integratzea izan dira, besteak beste, honako hauek: Udal Egoitza Elektronikoa, Erregistro elektronikoa, Egoitza Elektronikoan G@koa Egiaztatzeko Sistema, Espedienteak Kudeatzeko Izapide Elektronikoa, Notific@ plataforman sartzea, Administrazio Prozeduren Katalogoa eta horien integrazioa eta Administrazio Elektronikoaren Modulu propioak.

Era berean, digitalizazioaren eta kopia elektronikoaren sistemak nabarmendu behar dira, Udalek dokumentuak digitalizatuta izateko aukera azkartzen baitute, udal-espedienteetan erabiltzeko.

Azkenik, sinadura digital autentikoko sistemak eskatu dira, eskatzaileek izapideak sinatzea errazteko, bereziki baliabiderik ez dutenek edo eten digitalak eraginda daudenek.

Deialdi honen bitartez, Udalek errazago bete ahal izango dituzte Herri Administrazioetako Administrazio Prozedura Erkidearen eta Sektore Publikoko Erregimen Juridikoaren Legeak, Administrazio Elektronikoari dagokionean; izan ere, toki-erakundeek beharrezko baliabideak eta sistemak izateko betebeharra ezartzen baitute, herritarrek administrazio publikoekin elektronikoki erlazionatzeko duten eskubidea ahalbidetzeko, eta, beraz, laguntza hauek testuinguru horretan kokatzen dira.

Udal onuradunak eta laguntzen zenbatekoak

Toki-erakundeen 155 eskaera jaso dira, eta eskatutako diru-laguntzaren zenbatekoak gainditu egin du zegoen partida, 100.000 eurokoa. Modu horretan, eskaera guztiak aztertu dira puntuazio handienetik txikienerako lehentasun-ordenaren arabera eta deialdian ezarritako irizpideei jarraiki. Horrela, guztira, 69 udali eman ahal izan zaizkie diru-laguntzak:

Abartzuza (1.279,50 ); Aberin (3.645,73); Allo (519,4); Ameskoabarren  (2.636,90); Araitz (650); Arakil (2.226,26); Aranaratxe (1.815); Arantza (650); Artzi (779,52); Arellano (3.645,73); Aria (1.989,50); Artaxoa (825); Atetz (650); Aiegi (4.000); Bakaiku (1.960); Barillas (653,47); Beintza-Labaien (2.443,25); Beire (3.012,45); Beraskoain (1.310); Betelu (650); Cárcar (825); Dicastillo (650); Donamaria (2.003); Doneztebe (825); Elgorriaga (1.989,50); Eratsun (983,76); Erro (650); Etxalar (907,5); Etxauri (650); Eulate (1.469,70); Ezkabarte (825); Ezkurra (983,76); Galoze  (2.117,50); Goizueta (786,5); Igantzi (650); Ituren (1.279,50); Iturmendi (1.130); Itza (825); Jaurrieta (1.815); Juslapeña (650); Larraona (907,5); Larraun (907,5); Lerín (1.279,50); Lezaun  (1.509,50); Longida (779,52); Los Arcos (825); Mendaza (2.489,58); Mendigorria (825); Monteagudo (1.960,41); Morentin (3.645,73); Nabaskoze (2.117,50); Oko (800,97); Odieta (1.279,50); Olaibar (650); Olazti (1.454,50);  Olejua (800,97); Orontze (1.815); Pitillas (2.387,99); Erromantzatua (2.407,30); Saldias (983,76); Sansol (1.619,27); Santacara (907,5); Sartze (2.117,50); Urdiain (1.960); Urraulbeiti (650); Uztarroze (2.420); Deierri (825; Villatuerta (825); eta Zubieta (650).