Azken 24 ordutan Nafarroako lau ikastetxeetako 87 ikasle konfinamenduan sartu dira. Horiekin 2.059 haur dira beraien etxeetan isolamenduan daudenak. Foru Komunitateko sare publikoko zein itunpeko ikastetxetako Haur eta Lehen Hezkuntzako ikasle guztien artean %3,32a. Taldeka, 53 ikastetxeetako 96 talde daude isolamenduan, guztien artean %2,75a.

Konfinamenduan sartutakoak honakoak dira: Iruñako Doña Mayor ikastetxeko Lehen Hezkuntzako 4. mailako 23 ikasle; Lizarrako Remontival Ikastetxeko Lehen Hezkuntzako 4. mailako 18 haur; Zizurko San Fermin Ikastolako Lehen Hezkuntzako 4. mailako 25 ikasle; eta Pedro de Atarrabia BHIko DBH 1. mailako 21 ikasle.