Nafarroako Kirolaren Institutuak formazio plan bat jarri du abian 2020-2021 urteetan kirol federazioentzako zeinak hiru programa dituen: Digitalizazioa –urriaren 6an hasi zen-, Nafarroako Kirolaren Kudeaketa Aurreraturako Programa, eta berariazko ponentzien modulua, babesletza berrasmatzea edo kirol-ekitaldiak antolatzea bezalako gaiak biltzen dituena.

Heziketa-plan honen xedea, alde bateti,k gaur egungo egoerak eskatzen duen digitalizazioa da, eta bestetik, kudeaketa-eredu bat ezartzea federazioen funtzionamendua erraztuko duten eta emandako zerbitzua hobetuko duten analisi- eta planifikazio-lanabesak erabiliz. 

Prestakuntza-ikastaroak urritik 2021eko ekainera arte emanen dira. Kirol-federazioek aukera izanen dute, GARDENA programaren bitartez, kalitatezko kudeaketa egiaztatzen duen zigilu bat erdiesteko. Hala, Nafarroa izanen da prestakuntza hori eta kalitate-ikurra baliatuko duten lehen autonomia-erkidegoetako bat.

Kirol-federazioek positiboki erantzun diote Nafarroako Kirolaren Institutuak eskaintzen duen prestakuntza honi, eta ia guztiek eman dute izena ikastaroetan, beren prestazioak hobetzeko asmoz.