2020ko irailaren 9a

Lurralde-kohesiorako Departamentuak araztegi berria eraikiko du Olaztin

Foru Exekutiboak araztegia birmoldatzeko proiektuan kaltetutako ondasun eta eskubideen desjabetzea premiazkotzat jotzea onartu du eta Proiektu horrek herriko 1.489 biztanleei ematen die zerbitzua

Nafarroako Gobernuak, gaurko bilkuran, erabaki bat onetsi du, zeinaren bidez premiazkotzat jotzen den, nahitaezko desjabetzearen ondorioetarako, "Olaztiko hondakin-uren araztegia birmoldatzea" proiektua gauzatzeak ukitutako ondasun eta eskubideak okupatzea.

Lurralde Kohesiorako Departamentuari atxikita dagoen NILSA (Navarra de Infraestructuras Local, S.A.) sozietate publikoa, araztegia osorik birmoldatzeko proiektua garatzen ari da, egungo geltokiaren ondoan planta berri bat eraikitzean datzana, segurtasun neurriak indartzeko. Lanak egiten diren bitartean, egungo araztegiak martxan jarraituko du, eta, behin geltoki berria eraikitzen amaituta, eraitsi egingo da, gune horretan segurtasun-toki bat eraiki dezaten.

Olaztiko araztegia 1992ko martxoan jarri zen martxan, eta urteetan zehar, jasotzen duen karga kutsatzailea nabarmen handitu da inguruko industria batzuen eraginagatik. Horregatik, erreformak egin ziren 2005ean eta 2015ean, tratamendu-ahalmena eta -eraginkortasuna handitzeko.

Azpiegiturak 1489 biztanle dituen Olazti herriari ematen dio zerbitzua, eta Arakil ibaiaren arroan kokatzen da, Nafarroako geografiaren ingurumen ikuspegitik gune sentikorrenetako bat dena, Alhama eta Zidakos ibaien arroekin batera.

Proiektua 2019-2030 Hiri Erabilerako Uraren Ziklo Integralaren Plan Zuzentzailean integratutako  Nafarroako Ibaien Saneamendu Plan Zuzentzailean kokatzen da, eta NILSA sozietate publikoaren 2020rako jarduera-planean sartu da.