“Zehazki, odol-emaileak bete beharreko baldintzak dira sukarrik edota katarro-sintomarik ez izana azken 15 egunetan, Europako komunitatetik kanpoko herrialde batetik ez itzuli izana azken 28 egunetan, ez eta Espainiako arriskuko eskualde batetik ere (une honetan, Madrilgo Komunitatea, Errioxa eta Euskadi) azken 15 egunetan”, azaldu du García Erce doktoreak.

Halaber, baieztatu du “odoletik eta eratorrietatik transmititzen denik uste ez bada ere, odol-osagaiek inaktibazio eta/edo berrogeialdi prozedurak burutu behar dituzte”.

Nafarroako Odol eta Ehun Bankuaren zuzendariak honela azpimarratu du: “orain inoiz baino gehiago beharrezkoa da odol-emaileek normaltasunez joaten jarraitzea odola emateko puntuetara, deitzen diren heinean edo nahi dutenean. Zaintzako eta higieneko ohiko neurriak areagotzea gomendatzen diegu, osasun-agintariek esandako moduan: eskuak garbitzea, eztula egitean estaltzea, erabili eta botatzeko zapiak erabiltzea, e.a.”.

Gainera, odol-emailearen itxarote-denbora murrizteko eta hautapen-prozesua arintzeko helburuarekin, Iruñean odola eman nahi duten pertsonei 848 422500 telefonora eta Tuteran eman nahi dutenei 948 848750 telefonora deitzea gomendatzen diegu. Haien lankidetza gero eta beharrezkoagoa da San Jose egunaren eta maiatzaren lehenaren bezperetan eta batez ere Aste Santuaren aurretik eta ondoren.

Era berean, odol-emaileari eskatuko zaio odola eman eta ondorengo 14 egunetan arnasa-gaixotasunarekin bateragarriak diren sintomak baditu, dei dezala aipatu telefonoetara. Transmisio komunitarioko eskualdeetatik etorritako odol-emaileen kasuan, infekzioa izateko susmoa ematen duen koadro klinikoa izanez gero, 112ra deitu beharko dute, eta, emaitzen arabera, segimendu epidemiologiko aktiboa egingo zaie.