Unibertsitateko, Berrikuntzako eta Eraldaketa digitaleko kontseilari Juan Cruz Cigudosak, Garapen Ekonomiko eta Enpresarialeko kontseilari Manu Ayerdik eta Ekonomia eta Ogasun kontseilari Elma Saizek gaur goizean prentsaurrekoa eman dute Enpresen I+G+B Unitateen (UIE) erregulazioaren berri emateko.

Irudi hori Zientziaren eta Teknologiaren Foru Legean jasotzen da, eta horrekin lortu nahi dena da sektore pribatuaren barnean berrikuntza indartzea eta enpresei Foru Komunitateko I+G+b ekosisteman parte hartzeko aukera ematea.

Berrikuntzaren aldeko apustuan, Nafarroako Gobernuaren asmoa da Nafarroako I+G+b Sistemak (NAISI), Unibertsitate, Berrikuntza eta Eraldaketa Digitaleko kontseilariak jada sinaturiko Foru Agindua NAOn argitaratzen denan zabalduko denak, irudi horren bitartez enpresak Sistema Gauzatzeko Agente moduan hartzea.

Enpresa-arloko I+G+b Unitateen abantailak eta baldintzak

Beste alderdien artean, Enpresa-arloko I+G+b Unitatea eratzean, enpresek euren ikerketa-institutua edo I+G+b arloko erakundea eduki ahal izango dute. Halaber, ikerketa edo azpiegitura proiektuen foru-deialdietara aurkeztu ahal izango dute unibertsitateen eta zentro teknologikoen baldintza beretan, edota I+G erakundeentzako laguntza espezifikoen programetan eta deialdietan parte hartu ahal izango dute (aurretik ezin zutenetan).

Horrez gain, Nafarroako I+G+b Sistemako (NAISI) agente guztien ikerketako azpiegiturak erabili ahal izango dituzte lehentasunezko baldintzetan, ADITECH-ek kudeatutako SIESS sistemaren bitartez. Era berean, nazioarteko talentu ikertzailea erakartzeko programetan parte hartu ahal izango dute, Foru Komunitateko Administrazioak kudeatzen dituenetan.

Gainera, Enpresa-arloko I+G+b Unitateetako enpresa nagusiek %50eko dedukzioa lortu ahal izango dute Sozietateen gaineko Zergan, unitate horiekin kontratatutako I+G proiektuen gaineko gastuei dagokienean; unitateek NAISI gauzatzeko agente moduan egiaztatuta egon beharko dute.

Modu espezifikoan, enpresa-arloko I+G+b unitate gisa eratzeko, plantillan doktoretzako ikertzaileak izan beharko dituzte, eta teknologia sortu eta garatu beharko dute, ikerketaren emaitzak ustiatzea sustatzearekin batera.

“Enpresa-arloko I+G+b Unitateak. NAFARROA, LURRALDE BERRITZAILEA” jardunaldia

Alderdi horiek zabaltze aldera, Gobernuak irudi hori aurkezteko ekitaldia antolatu du Unibertsitate, Berrikuntza eta Eraldaketa Digitala, Garapen Ekonomiko eta Enpresariala eta Ekonomia eta Ogasuna Departamentuen bitartez. Hain zuzen ere, martxoaren 10ean izango da, 11:00etan, Nafarroako Enpresarien Konfederazioaren (CEN) egoitzan.

Jardunaldiaren izenburua honako hau izango da: “Enpresa-arloko I+G+b Unitateak. NAFARROA, LURRALDE BERRITZAILEA”, eta EIUei buruzko erakusketa bat egongo da, NAISIren barneko enpresa-mailako lehiakortasunaren erreminta gisa. Halaber, Enpresa Berritzaileentzako Aukerei buruzko mahai-ingurua egingo da. Foroa batez ere enpresentzat izango da, eta, bertan, EIUen erregistroari eta izan ditzaketen abantailei buruzko zalantzak argitu ahal izango dira. Gainera, Mondragon Korporazioaren eta Praxis Pharmaceutical Taldearen I+G+b Unitateen kasu errealak ezagutu ahal izango dira.

Jardunaldian, Enpresa Eolikoen Elkarteko (AEE) eta Espainiako BioEnpresen Elkarteko (AseBio) zuzendari nagusiek hartuko dute parte, bertara hurbildutako enpresek zuzenean ezagutu dezaten EIUen testuingurua teknologia altuko sektore ezberdinetan; hala nola, bioteknologian edo energia eolikoetan.

Halaber, Zientzia eta Berrikuntza Ministerioaren Berrikuntzako Idazkaritza Nagusiko ordezkaritza bat bertan izango da, Espainiako Gobernuak datozen urteei begira enpresa-berrikuntza sustatzeko aurreikusten dituen instrumentuen eta planen berri emateko edota I+G+b arloko bestelako sistema autonomikoekin alderatzeko.

Nafarroako I+G+b Sistema (NAISI)

NAISI Agenteen Erregistroaren sorrera arautzen duen Foru Agindua datozen egunetan Nafarroako Aldizkari Ofizialean argitaratuta, Foru Exekutiboak Nafarroako I+G+b Sistema (NAISI) zabalduko du, Nafarroako sistema berritzaileak koordinazio egokia izan dezan eta bikaintasun alderako bideratzearren.

Modu horretan, Zientziaren eta Teknologiaren Foru Legea garatuko da, 2018an onartutakoa, eta, bertan, Nafarroan zientzia, teknologia, ikerketa eta berrikuntza sustatzeko esparrua ezarriko da.

NAISI gauzatzeko agente bilakatu ahal izango dira unibertsitateak, ikerketa-zentroak, osasun-ikerketako institutuak, zentro teknologikoa, enpresa-arloko I+G+b unitateak, erakunde bereziak eta gauzatzeko agenteen koordinatzaileak. Agente gisa erregistratzen direnek, berriz, laguntza espezifikoen programetan eta deialdietan parte hartu ahal izango dute, sistemako agente guztien ikerketako azpiegiturak erabili ahal izango dituzte lehentasunezko baldintzetan, eta Foru Komunitateko Administrazioak kudeatutako nazioarteko talentu ikertzailea erakartzeko programetan parte hartu ahal izango dute, beste eskubideen artean.