Descárgate la app
Elkarrizketa soziala indartzeko beharra helarazi die Chivite Lehendakariak ELA, LAB, ESK eta STEILAS sindikatuei
2020ko otsailaren 4a
Elkarrizketa soziala indartzeko beharra helarazi die Chivite Lehendakariak ELA, LAB, ESK eta STEILAS sindikatuei
Erakunde horietako ordezkaritzarekin bildu da gaur goizean
La Presidenta se reúne con los representantes sindicales.
Deskargatu irudia
Irudi galeria
María Chivite, Nafarroako Lehendakariak, ELA, LAB, ESK eta STEILAS sindikatuei helarazi die elkarrizketa soziala sustatzeko beharra eta horretarako Foru Gobernuak duen borondatea “instituzioetan parte hartzeko osagai aktibo gisa eta guztion ongizaterako konpromiso soziala izateko”.
Lehendakaria, sindikatuetako ordezkariekin bildu da gaur goizean. Haiek eskatutako bilerari erantzuna emanez, Chivitek sindikatuen gizarte eta lan eskaerak ezagutu ditu. Foru Gobernuak gizarte eragileekin mantendu nahi duen elkarrizketaren baitan gauzatu da topaketa.
Zehazki, Chivitek honakoak hartu ditu bulegoan: Mitxel Lakuntza, ELAko idazkari nagusia; Imanol Pascual, ELAk Nafarroan duen koordinatzailea; Garbiñe Aranburu, LABeko idazkari nagusia; Imanol Karrera, LABeko bozeramailea Nafarroan; Iratxe Álvarez, ESK-ko arduraduna, eta Diano Bruño, STEILAS-eko kidea.
Topaketa horretan, Lehendakariak sindikatuen aldarrikapenak aditu ditu eta Nafarroako Gobernuak kontzertazio sozialaren alde duen apustua berretsi du; Europako gobernantzaren printzipioekin bat eginez, gehitu duen moduan, “ “Nafarroa bezalako gizarte pluralean egon daitezkeen planteamendu edo ereduak alde batera utzita”.