Nafarroako Gobernuak gaurko bilkuran akordio bidez izendatu ditu “Iruñerriko Abiadura Handiko Partzuergoko” zuzendaritza kontseiluko ordezkariak; lehendakaria, Bernardo Ciriza, Lurralde Kohesiorako kontseilaria izango da, estatutuak jasotzen duten moduan.

Zehazki, Gobernuak izendatutako hiru ordezkariak hauek dira: Jose María Aierdi, Lurralde Antolamenduko, Etxebizitzako, Paisaiako eta Proiektu Estrategikoetako kontseilaria; Pedro Andrés López, Herri-lanen eta Azpiegituren zuzendari nagusia; eta Berta Miranda, Garraioko zuzendari nagusia.