Nafarroako Gobernuak gaur egin duen bilkuran erabaki du Enpresa-politika, Nazioarteko Proiekzio eta Laneko zuzendari nagusiari baimena ematea, 2.047.000 euroko gastua egiteko konpromisoa har dezan, industria-enpresa handientzako laguntzen deialdirako.

Helburua da enpresa horiek inbertsio produktiboko proiektuak egin ditzaten sustatzea, haien lehiakortasuna hobetuko dutenak. Gastu hori 2021eko aurrekontu-ekitaldiari egokituko zaionez, beharrezkoa da Foru Komunitateko Gobernuaren baimena.

Industriak funtsezko eginkizuna du, hazkuntzaren eta elementuaren bultzatzaile modura. Beren Barne Produktu Gordinean eta enplegu-egituran industriaren pisu handia duten eskualde eta herrialdeak –eta horixe da Nafarroaren kasua– izan dira ziklo ekonomiko gogorra ondoen jasan dutenak, enplegu gutxiago suntsitu eta esportazioak gehitu, era horretan barne-eskariaren beherakadari aurre eginez.

Industria-sektorea Nafarroan

Industria-sektoreari dagokio Nafarroako Barne Produktu Gordinaren (BPG) % 30,27 Europako batez bestekoa baino 12 puntu gehiago, eta Estatuan baino 14 gehiago, Nafarroako Estatista Institutuak dituen azken datuen arabera.

Hain zuzen ere, Foru Komunitatea da bere ekonomian industriaren pisu handiena duen Estatuko eskualdea. Industria-sektoreko 3.743 enpresa dago Nafarroan, eta 65.000 bat laguni ematen dio enpleguak sektore horrek; eskualdeko enpleguaren % 24,58 da hori.