Maria Chivite, Nafarroako Lehendakaria, berriki Nafarroako Nekazarien eta Abeltzainen Batasunarekin (UAGN) bildu da, sindikatuak nekazaritzako langileak aurkitzeko dauden zailtasunen inguruan dituen kezkak ezagutzeko.

Topaketan, Chivite Lehendakariak nekazaritza sektoreko agente guztien artean Nafarroako Gobernuak koordinazio bidea ezartzeko duen konpromisoa adierazi du. Guztia, lan beharrak koordinatu, eta langabezian dauden pertsonen formazioa eta integrazioa lantzeko, batez ere kolektibo kaltebereen kasuan. 

Zentzu horretan, María Chivitek adierazi duenez, "nekazaritza sektorean kalitatea, kualifikazioa eta enplegagarritasuna uztartzea posible da". Lankidetza neurri horren gainean, Lehendakariak bileran helarazi duenez, hurrengo Aurrekontuen onarpenarekin abian jartzeko diseinatu da. 

Nafarroako Lehendakariaren bulegoan egindako topaketan izan dira: Félix Bariáin, UAGNko presidentea; Álvaro Cirauqui, lehendakariordea; Luis Miguel Serrano, idazkaria; eta Iñaki Mendioroz sindikatuko zuzendari kudeatzailea.