Hezkuntza Departamentuak gaur argitaratu du NAOn guraso elkarteen federazio eta elkartei laguntzak emateko deialdia. Haur eta Lehen Hezkuntzako zein Bigarren Hezkuntzako elkarteek uztailaren 4a bitartean aurkeztu ahal izango dituzte eskaerak.

Departamentuak 45.000 euro bideratuko ditu gurasoen prestakuntzarako jarduerak zein arlo ezberdinetan informazio eta prestakuntza ekintzak laguntzeko: berdintasunerako hezkuntza eta bizikidetza baketsuaren garapena, ingurumen hezkuntza, kontsumo arduratsua, aurrezki eta eraginkortasun energetikoa, hondakinen ingurumen kudeaketa zuzena, eta antzekoak, betiere federazioek antolatuta eta zuzenduta eta federazioko kideei, elkarteei eta hezkuntza komunitateko gainerako kideei zuzenduta badaude.

Federazioek eskaerak gauzatuko dituzten ekintzen deskribapena eta zerrendarekin batera aurkeztu beharko dituzte Hezkuntza Departamentuko Erregistro Orokorrean edota Nafarroako Gobernuaren Erregistroko edozein bulegoetan.