Isabel Elizalde jarduneko Landa Garapen, Ingurumen eta Toki Administrazio kontseilariak “La Fábrica Vieja” bisitatu du ostegun honetan, San Adriango Kontserbaren Museoa. Conservas el Navarrico enpresak bultzatu du, kontserbaren sektorearekin loturiko herriaren industria iragana ezagutarazteko.

Isabel Elizalderekin batera Ignacio Gil, Landa Garapen, Nekazaritza eta Abeltzaintza zuzendari nagusia eta Juan Manuel Intxaurrandieta INTIAko gerentea joan dira bisitara.

Bisitan zehar, Patxi Pastor, Belén Mencía eta Leticia Echarri enpresaren ordezkariek, gune horretako instalazioetatik gidatu dituzte. Bertan baliabide teknologikoak, ikus-entzunezkoak eta erakusketa elementuak konbinatzen dira, Nafarroako Erribera Garaiko udalerri horretako landare kontserben munduaren kontakizuna eraikitzeko.