Nafarroako unibertsitateek udako 39 ikastaro eskainiko dituzte ekainetik irailera bitartean. Nafarroako Unibertsitate Publikoa, Nafarroako Unibertsitatea eta Urruneko Hezkuntzako Unibertsitate Nazionaleko Iruñeko eta Tuterako egoitzek antolatu dituzte. Iaz bezala unibertsitateek ikastaro eskaintza igo dute aurten ere, horietariko 6 euskaraz eskainiko dira, Osasun Zientziak, Zientzia Esperimentalak, Gizarte eta Zuzenbide Zientziak eta Hezkuntza eta Giza Zientzien alorretan.

Maria Solana Arana Hezkuntzako jarduneko kontseilariak gaur goizean aurkeztu du XVIII edizioko egitaraua. Aurkezpenean berarekin izan dira, Eloísa Ramírez, NUPeko Unibertsitateko Proiekzioa eta Nazioarteko Harremanetarako errektore-ordea; Tomás Gómez-Acebo NUko ikasleen errektore-ordea; Covadonga Romero Blázquez, Iruñeko UHUNeko idazkari orokorra eta Luis Fernández Rodriguez Tuterako UHUNeko zuzendaria.

Ikastaroetan Nafarroako lau unibertsitateek hartuko dute parte: Nafarroako Unibertsitate Publikoa, Nafarroako Unibertsitatea eta UHUNeko Iruñeko eta Tuterako kanpusak. Ikastaroak Iruñean eta Tuteran eginen dira.

Solana kontseilariak aipatu duenez, “Unibertsitate terminoa, arlo akademikoko irakaskuntza, ikerketa eta ezagutzen transmisiotik baino haratago doa” eta lerro horretan aipatu du “Nafarroako Gobernuarentzako ikastaro hauek gizartearekin daukagun konpromisoaren beste adibide bat dira, gizarteak unibertsitatez haragoko interesa agertzen baitu ikastaroetan parte hartuz”.

Hezkuntzako arduradunak gaineratu duenez udako ikastaroetan parte hartzen duten %67 emakumezkoak dira. Portzentaje hori ordea ez da hizlarien kopuruan islatzen, %48a baitira emakumeak eta zientzia esperimentalez arituko direnak %10,4 besterik ez, “zehazki euskarazko Ikasgelan STEM arloetan sena pizteko baliabideak erraztu asmo dituen ikastaroak gai hori landuko du” aipatu du kontseilariak.

Antolatutako ikastaroen artean aipatzekoak dira Nafarroako Unibertsitateak eremu itxi batean enigma logikoen irtenbidean bilatzeko kimikaren inguruan antolatutako Escape Room Atómico; Iruñeko UHUN antolatutako Rehabilitación de Delincuentes Violentos; Tuterako UHUNek antolatutako Territorio, Paisaje e Identidad, zeinak paisaia biografiari lotutako argazki subjektu bezala aztertuko duen; edo Construya-Vuela-Repara NUPeko Andrés Ábrego Arleguik gidatuta.

Euskaraz eskainiko diren ikastaroen artean aipatutako STEM ikastaroarekin batera, Nerabe eta Gazteen indarkeria: guztion ardura; Montessori pedagogia: material didaktiko batzuk baino askoz gehiago; Euskal mitologia eta ingurumen heziketa; edo Hizkuntza eta hezkuntza, elkarren laguntza: hizkuntza-erregistro akademikoaren suspertzean oinarritutako irakaskuntza”.

Ikastaro guztien zerrenda honako webgunetan kontsulta daiteke: udakoikastaroak.navarra.es o cursosdeverano.navarra.es

Ikastaroen zenbatekoak

2018ko Udako Ikastaroetan eskainitako 32 ikastaroetan 1.408 ikasle bertaratu ziren eta 1.222 pertsonek jarraitu zituzten online. Parte hartzaileen %53ak ez ditu unibertsitateko ikasketak eta datu horrek ikastaroak orokorrean publiko zabalari, interes ezberdineko pertsonei eta edukiekin loturarik ez dutenei zuzenduta daudela adierazten dute. Hala ere, aipatzekoa da zenbait ikastaro gaian ezagutzak dituztenei zuzenduta daudela.

Azkenik aipatzekoa da ikastaroetan parte hartuko duten unibertsitateko ikasleek kredituak lortuko dituztela.