Jarduneko Nafarroako Gobernuak gaurko bilkuran akordio bat onetsi du, zeinaren bidez, Eskola kontzentrazioak mantentzeko tokiko 36 entitatei 964.425 euroko diru-laguntzak emanen zaizkien. Ikastetxe horiek beste herrietako, Haur eta Lehen Hezkuntza, Hezkuntza Berezia eta DBH 1. eta 2. mailako 3.068 ikasle jasotzen dituzte guztira.

Nahiz eta toki-administrazioei dagokien ikasle horiek eskolatzeko erabiltzen diren eraikinak mantentzea, Hezkuntza Departamentuak uste du horrek dakartzan mantentze-kostuak itzuli egin behar zaizkiela udal horiei, baldin eta beste udalerri batzuetako ikasleak jasotzen badituzte beren eskoletan eta ikasleak Nafarroako Gobernuaren xedapen edo erabaki bidez eskolatu badira eskola horietan, eskola-mapari jarraikiz.

Hona hemen, ordena alfabetikoan, toki-erakundeen izenak, beste herri batzuetatik jasotzen duten ikasle kopurua, eta jasotzen duten diru-laguntza:

- Antsoain (196 ikasle, 61.612 euro); Agoitz (43 ikasle, 13.517 euro); Aranguren ( Mutiloa) (36 ikasle, 11.316 euro); Barásoain (36 ikasle, 11.316 euro); Basaburua (Jaunsarats) (69 ikasle, 21.690 euro); Baztan (Elizondo) (37 ikasle, 11.499 euro); Beriain (43 ikasle, 13.517 euro); Berriozar (119 ikasle, 37.407 euro); Betelu (66 ikasle, 20.747 euro); Cascante (25 ikasle, 7.858 euro); eta Doneztebe  (125 ikasle, 39.293 euro).

- Erro (16 ikasle, 5.029 euro); Lizarra (336 ikasle, 105.621 euro); Esteribar (68 ikasle, 21.375 euro); Etxarri Aranatz (37 ikasle, 11.630 euro); Garralda (37 ikasle, 11.630 euro); Goizueta (15 ikasle, 4.715 euro); Uharte (102 ikasle, 32.063 euro); Irurtzun (207 ikasle, 65.070 euro); Leitza (7 ikasle, 2.200 euro); Lekunberri (78 ikasle, 24.519 euro); Los Arcos (38 ikasle, 11.945 euro); eta Irunberri (8 ikasle, 2.514 euro).

- Noain (Elortzibar) (120 ikasle, 37.722 euro); Otsagabia (30 ikasle, 9.430 euro); Olazti (7 ikasle, 2.200 euro); Erriberri (20 ikasle, 6.287 euro); Orkoien (177 ikasle, 55.639 euro);  Gares (173 ikasle, 54.382 euro).

-  Erronkari (39 ikasle, 12.259 euro);  Zangoza (46 ikasle, 14.460 euro); Tafalla (58 ikasle, 18.232 euro); Ultzama (Larraintzar) (189 ikasle, 59.412 euro); Viana (10 ikasle, 3.143 euro); Atarrabia (203 ikasle, 63.813 euro); eta Zizur Nagusia (262 ikasle, 82.359 euro).