Nafarroako Foru Gobernuak gaurko bileran erabaki du Pertsonen Autonomiarako eta Garapenerako Nafarroako Agentziako zuzendari-gerenteari baimena ematea Nafarroan bidaiderik gabeko adingabe atzerritarrak babesteko etxebizitza-baliabideetan asistentziazko 15 plaza misto kudeatzeko zerbitzuetako kontratu bat sinatzeko. 

Onuradunak babes-sisteman sartutako bidaiderik gabeko adingabeak dira, babesgabetasun-egoeran daudenak, haiek zaintzeko ahaidetasun-harremanarekin adineko pertsonarik ez dutelako.

Zerbitzu honen xedea adingabeei arreta eta laguntza integrala bermatzea da, eta esku-hartzeko metodologia baten bitartez honakoak ahalbidetzea: haien beharrei oinarrizko estaldura ematea, alfabetatzeko hezkuntza-ibilbideetan eta laneko gaitasunak lortzeko prestakuntza-ibilbideetan sartzea, eta aisialdiko eta denbora libreko espazioen bitartez erkidego-bizitzan murgildu daitezen ahalbidetzeko jarduerak burutzea.

Kontratua prozedura irekiaren bidez adjudikatuko da, publizitatearekin. 5 urteko iraupena izango du (2019-2023), eta 2019ko abuztuan hasiera ematea aurreikusita dago. Urteko aurrekontua gehienez ere 540.015 eurokoa izango da (BEZ kanpo).