Programa horiek helburu dute neska-mutilek trebetasun motorrak garatzea kirolean hasiz, gisa horretan norberaren segurtasunetik ekintzen kudeaketa autonomoa errazteko, eta, horrela, norberaren gaitasuna hobetzeko etorkizunean egin nahi dituzten kirol jarduera fisikoen ikasketetan proposatzen zaien edozein eginkizun motor betetzeko orduan. Heziketako eta kiroleko programa horren babesean egiten diren jarduerak kasuan kasuko kirol modalitatean hastetik bideratu behar dira, norgehiagoka aurreikusi gabe.

Nafarroako Kirol Entitateen Erregistroan inskribatutako irabazi-asmorik gabeko kirol entitateek eta egun kirol zerbitzuak egiten dituzten eta Nafarroako Foru Komunitateko erregistro ofizialetako batean inskribaturik dauden enpresek heltzen ahal diete deialdi honen xedeko dirulaguntzei.

Honako gastuetarako bakarrik emanen da dirulaguntza: kirolean hasteko jarduera fisikoen kostua, jardueretako monitoreen gastuak, materialaren alokairua eta istripu-asegurua parte-hartzaileentzat (ikasleak eta irakasleak).

Eskaerak, derrigorrean, Nafarroako Gobernuak Interneten duen tramite katalogoko fitxa betez aurkeztuko dira, ostiral honetatik hasi eta datorren maiatzaren 10era arte, biak barne.