• Nekazaritza-produktibitatea handitzea, aurrerapen teknikoa, ekoizpenaren garapen arrazionala eta ekoizpen-faktoreen erabilera optimoa sustatuz, bereziki eskulanarena.
• Nekazariei bizi-maila ekitatiboa bermatzea, bereziki nekazaritzan lan egiten dutenen errenta indibiduala handituz.
• Merkatuak egonkortzea.
• Horniduren segurtasuna bermatzea.
• Kontsumitzaileei arrazoizko prezioak ziurtatzea.

• Nekazarien errenta laguntzea, baita nekazaritzako praktika jasangarriak ere. Ordainketa zuzen horiek osorik finantzatzen ditu EBk eta NPEren aurrekontuaren % 70 egiten dute. 2013ko ekaineko erreformatik, ordainketa zuzenen % 30 lotuta dago Europako nekazariek nekazaritza-jardunbide jasangarriak betetzearekin, onuragarriak baitira lurzoruen kalitaterako, biodibertsitaterako eta ingurumenerako (laboreak dibertsifikatzea, larre iraunkorrak mantentzea eta ustiategietako eremu ekologikoak kontserbatzea).
• Merkatuari laguntzeko neurriak: ordainketa horiek NPEren aurrekontuaren % 10 baino gutxiago dira. Aktibatzen dira, adibidez, klima-baldintza txarrek eragindako desegonkortze baten aurrean.
• Landa garapenerako neurriak: nekazaritza-ustiategiak modernizatzeko eta lehiakortasuna handitzeko, eta, aldi berean, ingurumena babesteko, eta landa-eremuan nekazaritza-jardueren eta nekazaritzakoak ez diren jardueren dibertsifikazioa sustatzeko. Ordainketa horiek, neurri batean, estatu kideek finantzatzen dituzte, oro har urte anitzekoak dira, eta NPEren aurrekontuaren % 20 inguru dira.

NPE berrian, ordainketa bakarraren erregimenetik oinarrizko ordainketaren erregimenera igaro da, eta laguntzak nekazari aktiboei eta nekazaritza-jarduera duten ustiategiei buruzkoak dira.