Descárgate la app
Balear Irletako ordezkaritza batek Nafarroako LHetako nazio mailako erreferentziazko ikastetxeak bisitatu ditu
2019ko otsailaren 1a
Balear Irletako ordezkaritza batek Nafarroako LHetako nazio mailako erreferentziazko ikastetxeak bisitatu ditu
Maria Francisca Alorda, Lanbide Heziketa eta Irakasleen Formazioko zuzendari orokorrak, Lluc Mas Lanbide Heziketako eta Kualifikazioetako Departamentuko zuzendariak, Son Llebre Ikastetxe Profesionaleko lau irakaslerekin batera, Osasun arloan nazio mailan erreferente den Osasun Eskola Profesionala eta Imarkoaineko Energia Berriztagarri eta Efizientzia Energiako ikastetxeak bisitatu dituzte.
Bi bisitetan ikastetxeetako zuzendaritza bakoitzak ikastetxeen antolaketa eta lan egiteko modua azaldu dizkiete, Hezkuntza Departamentuko Lanbide Heziketako arduradunek eta Nafar Lansare zerbitzuko teknikariekin batera.
Era berean, Iruñeko Irakasleen Eskola bisitatu dute eta gertutik ezagutu ahal izan dute arlo profesional honetako (zerbitzu soziokulturalak) ikastetxeko eguneroko jarduna; Nazio mailako ikastetxe erreferentea izango baita datorren urtean Balearretako ikastetxea. Irakasleen eskolako zuzendaritzak hartu du Ikastetxeko Proiektuaren arlo garrantzitsuak azaltzearen ardura, figura profesionalei dagokionez eta arlo metodologiko eta pedagogikoak jarraituz, aparteko garrantzia emanez enpresan egindako praktiketan gertatutakoaren gainean lanerako eta hausnarketarako tartea ezarriz.
Ordezkaritzak baikorki baloratu du Nafarroako Ikastetxe Erreferenteen aldetik jasotako informazioa eta arreta. Gainera, gonbitea luzatu diete Nafarroako ordezkariek Balear Irletako ikastetxe profesionalak ezagutu ditzaten.