2018ko urriaren 2a

Solana kontseilaria Teachcom nazioarteko proiektuan parte hartzen duten kideekin izan da gaur

Nafarroa, Lituania, Errumania eta Turkiako 11 erakunde elkartu dira ekimen honetan
La consejera de Educación, Maria Solana ha recibido hoy a docentes (de primaria y secundaria) y al grupo de inspectoras de Educación rumanas que participan en el proyecto Teachcom Erasmus+. Irudi galeria

Maria Solana Hezkuntzako kontseilaria Teachcom Erasmus+ proiektuan parte hartzen duten Lehen eta Bigarren Hezkuntzako irakasle eta Errumaniako hezkuntzako ikuskariekin izan da gaur. Irakasleen irakasteko esperientzien arteko elkartrukeak egitea helburu duen proiektu honetan 11 elkartek hartzen dute parte, horien artean nazioarteko 3 ordezkaritzek: Lituania, Errumania eta Turkia. Guztiak, gaur eta bihar Nafarroako Ikastolen Elkarteak (NIE) eta Vianako Erentzun Ikastolak antolatutako jardunaldian ari dira parte hartzen. Harreran, Maria Solana kontseilariak azaldu duenez, “Europara zabaltzea egun Departamentua lortzen ari diren helburuetariko bat da”.

Solana kontseilariak nabarmendu duenez ikasgelak eta irakasleak izan behar dira XXI mendekoak, eta horretarako, “Teachcomen parte hartzen duten irakasleen moduan, formazioa eta berrikuntzarekin kezkatutako irakasleak behar ditugu”, adierazi du. Zentzu horretan kontseilariak departamentuak Europako lankidetzarako sareekin egiten duen lana aipatu du eta hala lehengo astean Txinan izandako topaketa aipatu du, “balio handia ematen baitiogu esperientziak ezagutu eta ezagutzak elkartrukatzeari”. Azkenik, Teachcom moduko proiektuek egiten dituzten ekarpenak azpimarratu ditu, izan ere Nafarroako Hezkuntza sistemarako garrantzitsuak izan daitezke.