Nafarroako Gobernuak Euskararen Nafar Kontseilua berritzea onetsi du gaur goizean egindako Gobernu Bilkuran, 29 kide titular eta horien ordezkoak izendatuz, Ana Ollo bigarren lehendakariorde eta Memoria eta Bizikidetzako, Kanpo Ekintzako eta Euskarako kontseilariak iragarri duen bezala.

Euskarabidea-Nafarroako Euskararen Institutuak parte hartzen du organo horretan, eta Nafarroako Gobernuaren kontsulta- eta aholkularitza-organoa da euskararen plangintzaren eta sustapenaren arloan. Ollo lehendakariordeak zuzentzen duen departamentuari atxikita dago eta laster egingo du egungo egitura berrituarekin lehenengo bilera.

Horrela, legegintzaldia aldaketarekin eta, joan den azaroan, Euskarabidearen estatutuen moldaketaren ondoren, Foru Gobernuak Euskararen Nafar Kontseiluko kide ondoko pertsona hauek izendatzea erabaki du:

• Gobernuaren aldetik: Ana Ollo Hualde lehendakariorde eta konstseilaria, Kontseiluko presidentea; Javier Arakama Urtiaga, Euskarabideko zuzendari kudeatzailea, presidenteordea; Paula Kasares Corrales, Euskara Planifikazio eta Sustapen Zerbitzuko zuzendaria, Kontseiluko idazkaria; eta Agurtzane Martínez Ortigosa, Zientzia, Teknologia eta Berrikuntzako zuzendari nagusia; eta Miguel Moreno Ariztegi, Komunikazio eta Erakunde Harremanetarako zuzendari nagusia, batzordekideak.
• Nafarroako Parlamentuak proposatuta: Juan Carlos Pikabea Zubiri, Inmaculada Jurío Macaya, Bakartxo Ruiz Jaso, Ana Luján Martínez eta Ane Sánchez Jiménez.
• Erakunde eta entitateetatik proposatuak: Sagrario Aleman Astiz, Euskaltzaindiaren aldetik; Imanol Núñez Aldaz, Nafarroako Unibertsitate Publikoaren aldetik; Naiara Ardanaz Iñarga, Nafarroako Unibertsitatearen aldetik; Mikel Arregi Pérez, Eusko Ikaskuntzaren aldetik; David Anaut Peña, Nafarroako Udalerrien eta Kontzejuen Federazioaren aldetik; Josu Igoa Iparraguirre, Nafarroako Gazteriaren Kontseiluaren aldetik; Josu Repáraz Leiza, Nafarroako Ikastolen Elkartearen aldetik; Josune Arévalo Domínguez, Nafarroako Kazetarien Elkargoaren izenean; eta Idurre Eskisabel Larrañaga, Euskalgintza Kontseiluaren izenean.
• Honako kultura-elkarte zein gizarte-ekimeneko erakundeetatik proposatuak: Nahia Garaikoetxea Salinas, Sortzenen aldetik; Agurne Gaubeka Erauskin, Hizkuntza Eskubideen Behatokiaren aldetik; Xabi Gartzia Castell, AEKren aldetik; Joxerra Olano Etxabe, IKAren aldetik; Oskar Zapata Solano, Euskaltzaleen Topagunearen aldetik.
• Euskararen eta euskal kulturaren esparruan ospea duten pertsonei dagokienez, hauek dira batzordekideak: Xabier Erize Etxegarai, Nerea Fillat Oiz, Orreaga Ibarra Murillo, Reyes Ilintxeta Jiménez eta Aingeru Epaltza Ruiz de Alda.

Euskararen Nafar Kontseiluaren eginkizunak honako hauek dira: hizkuntza-normalizazioari buruzko xedapen orokorren proiektuen eta arlo horretako plan orokorren berri ematea; Euskararen Plan Estrategikoaren garapenaren eta betetzearen jarraipena egitea; euskararen erabilerari eta sustapenari buruzko proposamenak eta iradokizunak aurkeztea; arlo horretan eskumena duen edozein administraziok hizkuntza-plangintzari eta -normalizazioari buruz eskatzen dizkion txostenak eta kontsultak egitea; lan-batzordeek egin ditzaketen proposamenak eta txostenak aztertzea eta, hala badagokio, onestea; Kontseiluak garatutako jardueren urteko memoria onestea, zeina Nafarroako Gobernuari igorriko baitzaio; eta indarrean dauden xedapenek berariaz esleitzen dioten beste edozein eginkizun.