Next Generation estrategian sartutako MRR proiektuetatik jasotako eta kontabilizatutako finantzaketan hazkundea izan du Nafarroak irailean. Datu eguneratuaren arabera, irailaren 30ean 493,6 milioi eurokoa zen kopuru hori, 547,3 milioi euroko finantzaketa-bolumen orokorrerako.

Nafarroako Gobernuak Berreskuratze, Eraldatze eta Erresilientzia Planaren (BEEP) gainean argitaratutako azken datuen arabera, kontularitza sistemak agerian jartzen du 2020tik 2026ra bitarteko aldirako gastuak jada baimendu direla 349,4 milioi euroko bolumenagatik, 133 jarduketa barne hartuz.

Gaur egun, Eskubide Sozial, Ekonomia Sozialeko eta Enpleguko Departamentuak eta Kultura, Turismo eta Kirolekoa dira, oro har, Berreskuratze eta Erresilientzia Alderdien baitan hartutako jarduketa kopuru handiena martxan dutenak, bakoitzak denera 24rekin kontatuz.

Bestalde, departamentuen arabera zehaztutako informazioak bistaratzen du Etxebizitza, Gazteria eta Migrazio Politiketakoa dela 2020-2023 aldirako finantzaketaren kopururik handiena aurreikusita duena, 93 milioi eurotik gorakoa izanik, eta jarraian Industriako eta Enpresen Trantsizio Ekologiko eta Digitalekoa, izan ere, aldi horretarako 85 milioi euroak gainditzen dituen finantzaketa global aurreikusiarekin kontatzen du. Informazio eguneratua eta zehatzagoa eskuragarri dago Gobernu Irekiaren Atarian eta nextgeneration.navarra.es  webgunean.