Lurralde Kohesiorako Departamentuak lizitaziora atera du Iruña-Irun (Gipuzkoa) arteko errepideko bidaiarien garraio publikoaren zerbitzua, Baztan-Bidasoa eragin-eremuan. Emakidaren kontratuak hamar urteko iraupena izango du, eta 24,1 milioi eurotik gorako balioa.

Baztan-Bidasoa eskualdean zerbitzu hori emateak 21.100 pertsona baino gehiagoren garraio premiei erantzutea ahalbidetuko du. Horietatik, 39 erakundetako 5.500ek baino gehiagok ez zuten garraio publikorik. Hala, Lurralde Kohesiorako kontseilari Oscar Chivitek zerbitzu horren garrantzia azpimarratu du, “lurraldea egituratzeko eta despopulazioaren aurkako borrokan” suposatzen duenagatik. Gainera, garraio publikoaren eta politika jasangarrien aldeko apustu irmoa da.

Baztan-Bidasoako garraio-zerbitzuaren linea nagusiak prestatzerakoan, kontuan hartu da egungo garraio-lineak integratzea eta zerbitzuen eskualde-ikuspegia txertatzea. Gainera, autobusen garraio erregularra eta eskariaren araberako garraioa turismo-ibilgailuekin konbinatuko dira. Desgaitasunen bat duten pertsonen irisgarritasuna ere bermatuko da, doan bidaiatuko baitute.

Baztan-Bidasoako biztanleek interes orokorreko zerbitzuetara (esaterako lantokietara, osasun-zentroetara eta aisialdi-zentroetara) duten sarbidea ere kontuan hartu da, lehentasuna duten egoerak izateagatik, emakidaren zerbitzuak diseinatzerakoan. Chivitek adierazi duenez, “modernizatu, zerbitzuaren kalitatea hobetu eta herritarren beharretara egokitu behar da”. Helburua “kalitatezko zerbitzu bat bermatzea da, bizi den lekuan bizitzeko” esanez amaitu du.

Zerbitzuak

Emakida berriaren zerbitzuak garraio erregularreko bi lineatan eta eskarirako bi garraio-lineatan egituratzen dira. Garraio erregularreko lehen linean, Iruñea-Mugairi-Elizondo-Donostia artean doa, ibilbide desberdinekin, herritarren beharren arabera: Donostia-Oronoz-Mugairi-Iruñea, bi noranzkoetan; Elizondo-Iruñea, bi noranzkoetan; Elizondo-Donostia, bi noranzkoetan; Donostia-Irun-Lesaka. Bigarren garraio erregularreko linea Iruña-Ultzama artekoa da.

Aldi berean, eskariaren araberako garraioari ekingo zaio, Baztan, Bortziriak /Bortziriak eta Malerreka linearen eta Lantz-Iruñea linearen bidez. Zerbitzu hori egunero eskainiko da, aldez aurretik erreserba egin beharko da eta orain arte garraio publikorik ez zegoen herrietan emango da zerbitzua. Horrela, zerbitzuak emango dira honako udalerri hauetan: Zugarramurdi, Dantxarinea, Urdazubi / Urdax, Amaiur / Maya, Arratzu, Bozate, Arizkun, Elbete, Elizondo, Zigaurre, Ziga, Aniz, Berroeta, Zigaurre edo Almandoz.

2019tik berrikusten

Nafarroako Gobernuak 2019an ekin zion Errepideko Bidaiarien Hiriarteko Garraio Publikoaren Plan Integralaren (PITNA) berrikuspen sakon bati. 38 emakiden aurrean, orain zortzi emakida izango dira, eta horietan garraio erregularreko zerbitzuak eta eskarirako garraio-zerbitzuak integratuko dira. Helburua da eskualde-buru guztiek lotura azkarra izatea hirigune handiekin. Gainera, dentsitate txikiko eta biztanleriaren sakabanatze handiko landa-eremuetan turismo ibilgailuarekin eskariari erantzuteko garraio-zerbitzuen ibilbideak ezarri dira. Bestalde, dentsitate txikiko eta biztanleriaren sakabanatze handiko landa-eremuetan turismo ibilgailuarekin eskariari erantzuteko garraio-zerbitzuen ibilbideak ezarri dira.

Orain arte lau emakida berritu dira Nafarroako Foru Erkidegoan: Iruñea-Soria; Iruñea-Tafalla; Iruñea-Tutera-Zaragoza eta Iruñea-Altsasu / Altsasu-Gasteiz. Martxan dagoen lizitazioaz gain, aurten Iruñearen eta Pirinioen arteko emakida berriaren lizitazioa aurreikusten da. Datorren urterako azken bi emakidak lizitatuko dira: Iruñea-Donostia eta Iruñea-Lizarra, Lizarra-Logroño-Donostia.