Ingurumenak energia berriztagarrien parke berrien 69 ingurumen-eskakizunen berri eman du, garaiz eta behar bezala, zeinak izapidetzeko epea asteazken honetan amaitzen den, ekainaren 23ko 23/20 Errege Lege Dekretuaren arabera. Dekretu horren bidez, energiaren arloko eta ekonomia suspertzeko beste esparru batzuetako neurriak onartzen dira. Egun hori baino lehen, Ingurumeneko Zuzendaritza Nagusiak eskatutako proiektu guztiak ebatzi ditu. Horretarako, ingurumen-inpaktuari buruzko adierazpenak egin ditu (50 MW-tik beherako parkeetarako, eta, kasu horretan, parkeak baimentzeko edo ez baimentzeko ardura duen organoa Garapen Ekonomikoko eta Enpresarialeko Departamentua da), edo Ministerioari dagozkion txostenak egin dizkio, bere ingurumen-inpaktuari buruzko adierazpena egin dezan (50 MW-tik gorako parkeetarako, eta, kasu horretan, Ministerioari dagokio parkeak baimentzea edo ez baimentzea).

Oraindaino informatu gabe zeuden azkeneko parkeak ziren Cascante II-ko (aldeko DIA lortu du) eta Murchante-ko (aurkako DIA-rekin) eolikoak, hala nola Castejoneko Cierzo IV-ko, Tuterako Ebro I-ko, Cascanteko El Sasillo eta Tuterako La Nava fotovoltaikoak; aldeko DIA bat lortu dute bi lehenengoek, kontrakoa El Sasillo izendatuak eta partzialki aldeko DIA izan da La Nava-koa.

Azken DIA hauekin, oraindainoko legegintzaldian zehar Ingurumenak, eolikoak hala nola fotovoltaikoak diren 69 energia berriztagarrien parkeetako ingurumen eskakizunak ebatzi ditu, eta argi berdea eman die horietako 35eri, zeinetan instalatutako 1.400 MW inguruko potentzia bat dagoen, azken 30 urteetan Nafarroan instalatutako potentziaren parekoa alegia. Horrela, Ingurumenak argi berdea eman omen die 311 MW-ko potentzia instalatua duten 13 parke eolikori eta 1.117 MW-ko potentzia instalatua duten 22 parke fotovoltaikori.

Azken urte honetan lortu du Ingurumenak energia berriztagarrien parke gehienetarako ingurumen tramitazioa ebaztea; zehazki, 2022ko otsailetik egundaino 24 parkeri eman zaie argi berdea, 1.100 MWeko potentzia instalatu batekin.

Nabarmentzekoa da, Ingurumenak dagokion balorazioa eman ostean, parke bakoitzaren baimenari buruzko amaiera erabakia Garapen Ekonomikorako Departamentuarena dela, Nafarroako Gobernuaren funtsezko organoa, 50 MW-tik beherako parkeen kasuan, eta MITERD-ena 50 MW-tik gorako parkeen kasuan.

Azkenik, aipatzekoa da, urtarrila honetarako 23/20 Lege Errege Dekretuak markatutako lehenengo mugarria gainditzean, orain 7 direla Ingurumenaren bitartez tramitatzeko bidean dauden EERRko parkeak, apirila eta uztaila artean ebazpena eman eta segidan dagozkion epeak betearazteko.