Descárgate la app
Hastear da 2024-2028 Nafarroako Kulturaren Plan Estrategiko berria eraikitzeko prozesu parte hartzailea
2023ko urriaren 24a
Hastear da 2024-2028 Nafarroako Kulturaren Plan Estrategiko berria eraikitzeko prozesu parte hartzailea
Nafarroako Foru Gobernuaren Kultura, Kirol eta Turismo Departamentuko Kultura Zuzendaritza Nagusia-Viana Printzea Erakundeak martxan jarriko du datozen hilabetetan garatuko den Nafarroako Kulturaren Plan Estrategikoa (NKPE) elaboratzeko kontsulta prozesua.
Prozesu parte hartzailea datorren azaroaren 6an hasiko da, Foru Komunitateko udalerri ezberdinetan (Tutera, Tafalla, Lizarra, Iruña, Zangoza hala nola Altsasu) ospatuko diren sektore-, lurralde- eta zehar-izaerako 15 saioren garapenarekin, horien jomugak gizarte nafarreko sektore ezberdinak izanik.
Kultura, Kirol eta Turismo kontseilari Rebeca Esnaolak azaldu duenez, kontsulta hau “Nafarroako herritarrekin eta kultura nahiz sorkuntza agenteekin eginiko prozesu parte hartzaile modura planteatzen da, etorkizuneko Plan Estrategikoa konfiguratuko duten jarduketa ideiak eta proposamenak bildu eta partekatzeko helburuarekin”. Eta horren harira gogorarazi du “egungo ideia politiko publikoek gizarteko eskariei erantzun ahal izan diezaieten funtsezkoa dela herritarren eta agente adituen ahotsak entzutea” eta horregatik animatu du Nafarroako gizarte osoa aktiboki parte hartzera “lurraldearen kultura plan bat sortze aldera zeinetan sektorea hala nola herritarrak islatuta dauden”.
2023an amaitzen da 2017-2023 Nafarroako Kulturaren Plan Estrategikoa
2017an hasi zen Nafarroako Kulturaren Plan Estrategikoa zeinek hurrengo urteetan lurralde osorako bide-orri bat garatu zuen, bere xedea izanik Nafarroako kultura eta sorkuntza sektoreak nabarmentzea, horretarako epe ertain eta luzerako kultura politika bat baliatuz, tradizioa nahiz garaikidetasuna, hiri- eta landa-eremuak, programazioa, kultura eta sorkuntza sektoreen horizontearen zabalkundea hala nola prozesu parte hartzaileen jarraipena integratuko zituena. Plan honen ibilbidea 2023an amaituko da.
Kultura Zuzendaritza Nagusia – Vianako Printzea Erakundeak adierazi digu aurreko planaren amaierarekin iritsi dela “lortutako emaitzen eta ikaskuntzen gaineko gogoeta bat egiteko, Nafarroako kultura eta sorkuntza gaur egun zein egoeran dauden zehaztu eta aztertzeko hala nola bide-orri berri bat definitzeko unea, hala lurraldeari planteatu zaizkion erronka berriei dagozkion erantzunak emateko, Kultura, Kirol eta Turismo Departamentutik martxan jarritako ekintzen hedapena ere zabalduz”.
Nafarroako kulturaren erronka berrietarako plan berri bat
Plan berria eratzeko, Kultura Zuzendaritza Nagusiak zerbitzua kontratatzeko lehiaketa publiko bat deitu du zeinetara enpresa ezberdinak aurkeztu diren, esleipenduna izanik kultura eta sorkuntza industrien esparruan espezializatutako Ikerpartners, S.A., zeinek zeregin hau beteko duen aurtengo abendura arte.
2024-2028 Nafarroako Kulturaren Plan Estrategikoaren (NKPE) eraketa prozesuaren lehenengo faseak garatzen ari dira eta barne hartzen ditu 2017-2023 (1. fasea) NKPE-ren Ebaluaketaren elaborazioa hala nola Nafarroako kultura eta sorkuntzaren egungo egoeraren diagnosi baten garapena (II. fasea).
Analisi hauen behin-betiko txostenak prozesu parte hartzailearekiko modu paraleloan argitaratuko dira, baina Esnaola kontseilariak hainbat datu aurreratu ditu zeinek agerian jartzen duten Nafarroako kulturaren aurrerapena. 2017 – 2023 aldian, kulturari zuzendu izan zaion aurrekontua % 46 hedatu da, aurten bere maximora helduz, 56,4 milioi eurora iritsi den aurrekontu batekin. Gainera, aurrekontuaren exekuzio mailak % 90a gainditu du ekitaldi guztietan, COVID-19aren krisiak eragindako kaltearen gainetik. Era berean, kontseilariak adierazi du kulturan biztanle bakoitzeko gastua batez beste 20 euro hedatu dela azken urteotan, 2017ko 55,8 eurotatik 2022ko 75,6 eurora pasatuz.
Planaren eraketa prozesurako hurrengo mugarriak
Azaroan hasiko da 2024-2028 (III. fasea) Nafarroako Kulturaren Plan Estrategikoaren (NKPE) ko-sorkuntzarako fasea, zeinetan prozesu parte hartzaile bat jarriko den abian Nafarroako herritarrekin, agente kultural eta sortzaileekin, helburua izanik etorkizuneko plan estrategikoa konfiguratuko duten ideiak, gogoetak eta ekintza proposamenak jaso, eztabaidatu eta partekatzea.
Ko-sorkuntza fase hau aurrera eramateko lan-mahai parte hartzaile sorta bat artikulatuko da. Denera 15 lan-mahai eratzea proposatu da, honako eran banatuta: 6 lurralde-mahai, 7 mahai sektorial eta gazteriari dagozkion 2 zeharkako mahai.
Informazio guztia Participa Navarraren (https://participa.navarra.es/processes/pecn24-28) webgunean eta culturanavarra.es orrian eskuragarri dago; hortik, saiotan parte hartu ahal izateko inskripzioa egin daiteke.
Lurralde mahaiak | |||
---|---|---|---|
Udalerria | Data | Ordua | Lekua |
Tafalla | Azaroak 6 | 16:30 - 18:30 | Kultur Guneko Erabilera Anitzeko Aretoa |
Tutera | Azaroak 9 | 17: 30 - 19:30 | Almirantearen Etxea |
Lizarra | Azaroak 13 | 16: 30 - 18:30 | Kultur-Etxea |
Iruña | Azaroak 14 | 16:30 - 18:30 |
Nafarroako Areto Zuria (Kultura Departamentua) |
Zangoza | Azaroak 15 | 18:00 - 20:00 | Vallesantoro Jauregia-Kultur Etxea |
Altsasu | Azaroak 20 | 16:30 a 18:30 | Lortia Kultur Gunea |
Mahai sektorialak | |||
---|---|---|---|
Sektorea | Data | Ordua | Tokia |
Museoak | Azaroak 21 | 16:30 - 18:30 | Nafarroako Areto Zuria (Kultura Departamentua) |
Ondarea | Azaroak 22 | 16:30 - 18:30 | Nafarroako Areto Zuria (Kultura Departamentua) |
Arte plastikoak eta bisualak | Azaroak 23 | 16:30 - 18:30 | Nafarroako Areto Zuria (Kultura Departamentua) |
Liburua eta liburutegiak | Azaroak 27 | 16:30 - 18:30 | Nafarroako Areto Zuria (Kultura Departamentua) |
Arte eszenikoak eta musika | Azaroak 28 | 16:30 - 18:30 | Nafarroako Areto Zuria (Kultura Departamentua) |
Audiobisuala / Digitala | Azaroak 30 | 16:30 - 18:30 | Nafarroako Areto Zuria (Kultura Departamentua) |
Artxiboak eta ondare dokumentala | Abenduak 12 | 16:30 - 18:30 | Nafarroako Areto Zuria (Kultura Departamentua) |
Zeharkako mahaiak | |||
---|---|---|---|
Publikoa | Profila | Data | Tokia |
Gazteria | Kultura kontsumitzen duten pertsonak | Abenduak 13 | Iruña |
Gazteria | Etorkizun profesionalak | Abenduak 14 | Iruña |