Iruñeko Sendagileen Elkargo Ofizialak Akitania Berria – Euskadi – Nafarroa Bio Osasunaren Topaketen 8. edizioa hartuko du datorren urriaren 16an eta 17an. Topaketa horietan, lehen aldiz, Bio Osasunaren Saria emango zaie enpresa txiki eta ertain berritzaileei. Bi jardunaldi horietan, enpresa-, ikerketa- eta osasun-munduko ordezkariek industria-sektore horretako berrikuntzarekin zerikusia duten hainbat alderdiri buruz eztabaidatuko dute. Izan ere, sektore horretan, Foru Erkidegoak erreferente izan nahi du S-4 estrategiaren arabera, nazioarteko ikuspegia eta lankidetza funtsezkoak baitira. Hori dela eta, Euroeskualdetik abiatutako ekimena da, zeinaren lehendakaritza Nafarroak hartuko duen datorren urtean, hainbat ekitaldiren aurretik.

Memoria eta Bizikidetza, Kanpo Ekintza eta Euskera Departamentuaren Zuzendaritza Nagusiak, Industria eta Trantsizio Ekologiko eta Enpresarialerako Departamentuak eta ‘Navarra Health Cluster’ elkarteak indarrak batu dituzte Iruñea bi egun horietan osasun industria arloaren sektore garrantzitsu honen topaleku bihurtzeko; datorren asteartean, hilak 17, 9,30etan Mikel Irujo kontseilariaren eskutik zabaltzea aurreikusten da; ixteaz bigarren lehendakariorde Ana Ollo arduratuko da, 16etan.

Topaketak, enpresa, ekintzaile, inbertitzaile, ikerlari eta, azken finean, Akitania Berria, Euskadi eta Nafarroako osasunaren industria berritzeko aktore guztiengana zuzenduta daude. Bere helburua “sektore hori bultzatzea eta Euroeskualde mailako bere agenteen kolaborazioa sustatzea da”.

Horretarako, jardunaldiek “jardueren programa bat” barne hartuko dute, nabarmentzeko modukoa izanik bilera profesionalak (B2B Meeting-ak) bideratu ohi dituen Brockerage Event bat, partaideek Euroeskualdeko enpresekin eta beste leku batzuetatik datozenekin negoziatu ahal izan dezaten. Ia 150 partaide daude inskribatuta.

Gainera, esparru honetan Akitania Berria, Euskadi eta Nafarroako erakundeen artean Euroeskualdeko Berrikuntzarako deialdi esparruan eginiko I+D proiektuen posterrak aurkeztuko dira, baina pyme bio sanitariotarako zerbitzuak eskaintzen dituzten ekimen ezberdinak ere (esaterako eskualdeetako Digital Innovation Hub izendatuak, Cascade Funding inbertsio aukerekin batera).

Horren harira, jarduera aurreikusiak Akitania Berria-Euskadi-Nafarroa Euroeskualdeko 2021-2027 Plan Estrategikoari dagozkio, zeinen helburua den, toki eta mugaz gaindiko ikuspegi batetik, “Euroeskualdearen garapen lehiakor eta erresilientea iraultza digitalak eta espezializazio adimentsuaren estrategien inplementazioak markatzen duten egungo testuinguruan”.

2016tik, Euroeskualdea Bio osasuna Topaketak bultzatzen ari da, bere helburua izanik mugaz gaindiko proiektuak sustatzea, hiru lurraldetako sektore publiko eta pribatuetako industrial eta ikertzaileen arteko lankidetza lagun. Eta ohiko denez, antolatzaileak dira Navarra Health Cluster (NHC), Basque Health Cluster (BHC), Alliance Innovation Sante Nouvelle-Aquitaine (ALLIS-NA), Enterprise Europe Network (EEN)-Nafarroako Unibertsitatea eta CEIN. Kasu honetan laguntzaile izango ditu Bihartean, Polepharma Gipso, Euskampus, Clusters Salud España, gainera babesle izanik Sodena, Nafarroako Gobernua eta Euroeskualdea.

Ospakizunak barne hartuko ditu sektoreko joeren gaineko hitzaldiak, osasun arloko aditu inbertitzaileen ‘Revers Pitch’ ospetsuak, networking eta B2B topaketak eta Bio Osasuneko Euroeskualdeko 1. Sarirako enpresa finalisten «flash» aurkezpenak. Eta horrez gainera, Euroeskualdeko mugaz gaindiko kolaborazioen kasu arrakastatsuak ezagutu ahal izango dira. Gainera, aurten sari bat prestatu da Euroeskualdeko pyme berritzaile eta itxaropentsuenak aitortze aldera. Bio Osasunaren Euroeskualdeko 1. Sariari bi kategoria dagozkio (Biopharma eta Medtech) eta bere irabazleak, bigarren lehendakariorde Ollo andreak zuzenduko duen ospakizun itxieran emango dira jakitera.

Nafarroa, ospakizun europarren egoitza aurten

Nafarroako Kanpo Ekintzako Planean barne hartutako estrategia topaketaz haratago doa eta hazkunde bat erakutsi du bai ‘Nafarroak Europan’ eta bai ‘Europak Nafarroan’ duten presentzian. Horren arabera, gogoan izan behar da, batetik, datorren 2024an Nafarroak Euroeskualdearen lehendakaritza bere gain hartuko duela bi urteko eperako, ondorioz Foru Komunitateak ere lankidetza esparru honetan dinamizatzaile bezala duen zeregina sendotzeko aukera izanik. Bestetik, kasu honetan Europako Kontseiluko lehendakaritza espainiarraren eskutik, jadanik 2023ko bigarren seihileko honetan, Nafarroa halaber zenbait ospakizun europarren egoitza izango da, zeinen artean nabarmentzekoa den Automozio Eskualdeen Itunari buruz azaroaren 8-9rako aurreikusia, horrez gainera Nafarroako ordezkaritzak Europarako duela gutxi Bruselan garatutako jarduera ere kontuan izanik, Eskualdeen eta Hirien Europako Astea dela-eta.

Horri beste batzuk erantsi behar zaizkio, esaterako ‘Demokrazia, irakurketa eta liburuko informazio, irakurketa eta liburutegietarako eskubidea’ jardunaldiak eta ‘Europeana’ topaketa (urriak 16 eta 17); ‘One Health mikrobio-aurkakoekiko Erresistentziari buruz’ topaketa (urriak 19 eta 20); PRESURA 2023 ‘Landa Espainia Birpopulatzeko Azoka Nazionala’ (urriaren 20tik 22ra); ‘Berdintasunerako ministerio bilera informal” bat (azaroak 23 eta 24) edo, hain zuzen data berdinetan, Europako pertsona adituak eta funtzionarioak bilduko dituen “Sexu askatasunari buruzko bilera’ bat.