Osasun Departamentuak, Nafarroako Osasun Publikoko eta Lan Osasuneko Institutuaren bitartez, osasun programak sustatzeko bost diru-laguntza argitaratu ditu gaur Nafarroako Aldizkari Ofizialean (NAO). Guztira, 977.132 euro bideratuko ditu departamentuak osasun arloan gizarte ekintza sustatzea helburu duten laguntzetara. 

Osasunaren prebentzioa eta sustapena, hezkuntza afektibo-sexuala sustatzea, zahartzea eta GIB-HIES helburu dituzten programak garatzen dituzten toki eta gizarte erakundeek maiatzaren 10era arte aurkeztu ahal dute eskaera, telematikoki, http://www.navarra.es/ atariaren bidez.

Laguntza horiek, 2023ko abenduaren 1etik 2024ko azaroaren 30era bitartean egindako proiektuetara zuzenduta daude. Programak bat etorri behar dira Osasun Departamentuak sustatzen dituen jarraibideekin eta, bereziki, 2022-2025 aldirako Nafarroako Osasun Publikoko Planaren helburuak betetzearekin bat datozenekin. 2023an, 235 erakundek jaso zituzten osasun-programetarako laguntzen onurak dirulaguntzen deialdi honetan.

Deialdi espezifikoak 

• Osasuna prebenitzeko eta sustatzeko programa komunitarioak; 269.130 euro. Toki entitateek, fundazioek, gizarte ekimeneko kooperatibek eta irabazi asmorik gabeko elkarteek egindako eta Nafarroako zerbitzu soziosanitarioen hala nola eskualdeetako entitateen arteko lankidetza erraztea helburu duten bizi-estilo eta bizi-trantsizio osasungarriak sustatzeko programei zuzenduta dago.
• Zahartze aktiboa eta osasungarria sustatzeko programa komunitarioak: 135.000 euro. Zahartze aktiboa eta osasungarria sustatzeko programetara zuzenduta dago, zahartu ahala pertsonen osasuna eta bizi-kalitatea hobetzeko. Programa horiek fundazioek, gizarte-ekimeneko kooperatibek hala nola irabazi-asmorik gabeko elkarteek egiten dituzte.
• Zahartze aktiboa (AGENDA 21): 180.000 euro. Zahartze aktibo eta osasungarria sustatzeko helburuaz toki-erakundeek egiten dituzten programei zuzenduta dago, zeinek zahartu ahala pertsonen osasuna eta bizi-kalitatea hobetzea duten xede.
• Komunitatearen sustapen eta hezkuntza afektibo-sexuala: 242.596 euro. Sexu-osasuna prebenitzeko eta sustatzeko programa eta jardueretara zuzenduta dago, batez ere aisialdiko eta denbora libreko espazioetan; tratu onean, elkarrenganako zaintzan eta plazer partekatuan oinarritutako harreman afektibo-sexualak sustatu nahi dira, horien gainean erreferentzia positiboak sortuz. Programa hauek, toki-erakundeek, fundazioek, gizarte-ekimeneko kooperatibek, irabazi-asmorik gabeko elkarteek eta nortasun juridiko propioa zein bere helburuak betetzeko ahalmen osoa duten zuzenbide publikoko erakundeek egiten dituzte.
• GIB-HIESaren infekzioarekin lotutako programa komunitarioak: 150.406 euro. Irabazi-asmorik gabeko elkarteek, fundazioek hala nola gizarte-ekimeneko kooperatibek egindako prebentzio-ekintza espezifikoei arreta berezia eskaintzen dieten programei zuzenduta dago.