Osasunbidea-Nafarroako Osasun Zerbitzuak Foru Komunitateko osasun publikoko sareko zentro guztietan ezarri du ‘itxaron-zerrendak kudeatzeko’ araudi berria, erabiltzaileak justifikatu gabe huts egindako hitzorduen kopurua murrizteko eta hitzorduak bertan behera uzteko, eta, beraz, itxaron-zerrendak arintzeko.

Fernando Dominguez Osasuneko kontseilariak Nafarroako Parlamentuko Osasun Batzordean gaur egindako itxaron-zerrendei buruzko agerraldian azaldu duenez, aurtengo lehen hiruhilekoan, Ospitaleko Arretan 31.262 hitzorduren ezeztapen erregistratu dira pazienteen aldetik eta 12.615 hitzordura huts egin dute, hau da, ez dira aurkeztu, ez dute deitu bertan behera uzteko eta beraz, hitzorduak galdu egin dira.

Hitzordua bertan behera uzteko eta ez aurkezteko arrazoiei dagokienez, O-NOZeko erabiltzaileen % 26ak adierazi du ez zuela zitazio gutuna jaso, % 14k hitzordua ahaztu duela adierazi du, eta % 11k ustekaberen bat sortu zaiola. 2024ko lehen hiruhilekoko datuen hala nola ehuneko horien arabera, eta zenbatespenari jarraiki, ustekabeak edo ahazteak direla-eta, osasun publikoan 15.300 hitzordu inguru galdu dira aurtengo urtarriletik martxora bitartean.

Ezeztapen tasa eta huts egindako tasa horiek murrizteko asmoz, itxaron-zerrendak kudeatzeko Araudi berri bat prestatu da Onarpen Lan Taldetik zeinetan parte hartzen duten zentroetako Onarpen taldeetako ordezkariek eta Osasunbideko Arreta Integratuko Zuzendariordetzak. Hala, hitzordura huts egin eta sistemarekin komunikatzen ez diren erabiltzaileak itxaron-zerrendatik aterako dira, eta berme-legerako eskubidea galduko dute. Egun berean edo aurreko egunean hitzordua bertan behera uzten dutenen kasuan, arrazoi justifikatua bada, itxaron-zerrendako antzinatasuna mantenduko da; justifikatua ez bada, itxaron-zerrendako sarrera-data ezeztapen-egunera aldatuko da.

Hitzorduaren data bat proposatzen bada eta ez bada onartzen edo zentro jakin bat proposatzen bada eta ez bada onartzen, Nafarroako Osasun Zerbitzuak kontuan hartuko du zenbat denborarekin egin duen proposamena: erabiltzaileari 48 ordu baino gutxiagorekin abisatu bazaio, justifikatutako arbuiotzat hartuko da, eta antzinatasuna mantenduko da itxaron-zerrendaren erregistroan, eta 48 ordu baino gehiagorekin abisatu bada, bi aukera egongo dira: justifikatu gabe behin bakarrik ezeztatzea; sistemak itxarote-zerrendan sartzeko antzinatasun-data bermatzen du baina bermeen legerako eskubidea galduz, edo bestela, bi aldiz edota gehiagotan, ezeztatzea; kasu horretan, pazienteari egoera azaldu ostean, erregistrotik ateratzea dagokio, justifikaziorik ez badago 10 eguneko gehieneko epean.

Laburbilduz, osasun-arreta espezializatuaren bermerako eskubidea galtzeko arrazoiak izango dira pazientea dagokion zitaziora arrazoi justifikaturik gabe joaten ez bada edo uko egiten badio, pazienteak arrazoirik gabe zitazioa atzeratzen badu eta pazienteak O-NOZen zentroa aukeratzeko eskaintza baztertzen badu. Aldiz, berme-legerako eskubideari eusten zaio, berandutzea erakundeari egotz dagokiokeen kasuetan.

Osasun Departamentutik pazienteei gogorarazten zaie hitzorduen jakinarazpen oro pertsona bakoitzaren Osasun Karpetan agertzen den posta-helbidera bidaltzen dela, eta hitzordua baino egun batzuk lehenago SMS bat jasotzen dela hitzorduarekin, zita mota, espezialitatea, ordua eta joan behar duen lekua zehaztuz, baita zenbaki bat ere, bertan behera utzi behar izanez gero horra deitzeko. Beraz, erabiltzaile orori eskatzen zaie egiaztatzeko beren helbidea zuzena dela Osasun Karpetako “Erabiltzaileen Datuak” atalean, webgunetik, aplikaziotik edota Osasunbideko edozein hitzordura egingo duten hurrengo bisitan.