Mikel Irujo Garapen Ekonomikoko eta Enpresarialeko kontseilariak MetaPlay Iris Day ekitaldiaren irekieran parte hartu du gaur goizean, Nafarroako Gobernuaren, Nafarroako Enpresa eta Berrikuntzaren Europako Zentroaren (CEIN) eta IRIS, Nafarroako berrikuntza digitaleko gunearen arteko lankidetzan antolatutako ekitaldian. Gaur, ostirala, eta bihar, larunbata, egingo den egitasmoak, bideojokoen sektorearen, web 3aren, blockchainaren, errealitate birtualaren eta metabersoaren aukeretan sakontzea du helburu.

Irujok nabarmendu du “azken datuen arabera bideojolasen sektoreak 1.479 milioi euro sortu dituela Estatuan, izaera teknologikoari dagokion balio erantsi handiko enpresekin. Ondorioz, bere jarduerak kalitatezko lanpostuak sortzen ditu”. “Nafarroan jada NUPek garatutako espezializazio diploma batekin kontatzen dugu bideo-jokoen eta errealitate birtualeko aplikazioen garapenean, industria hau sustatzeko lanean ari den CLAVNA klusterrarekin hala nola finkatzeko bidean diren startup ezberdinekin ere”, zehaztu du kontseilariak.

Ekitaldia, Nafarroako Gobernuaren berrikuntza digitalerako IRIS gunearen esparruan kokatzen da, zeinek digitalizazioaren leihatila bakarra izan nahi duen. Horren harira, Industriaren, Energiaren eta S4 Proiektu estrategikoen zuzendari nagusi Uxue Itoizek esan du “IRIS-ek hainbat espezializazio dituela, esaterako medikuntza pertsonalizatua edo adimen artifiziala, baina herritarrengana ere hurbildu behar lukeela, bideojolasak bezalako diziplinen bitartez, zein prestakuntzarako aukera bikaina diren”.

Azkenik, CEIN-etik, CEIN Digitech ekimena jarri da abian, zeinek ekintzailetza digitala babestu eta sustatzen duen. Ildo horretatik, NUPen oinarri teknologikoa duten enpresen sorrera programa, proiektu digitalen eta berrikuntza mintegien startup-en garapenerako bezalako ekintzak garatzen ari dira.

María Sanz de Galdeano bere zuzendari gerenteak nabarmendu du “CEIN-etik betidanik babestu izan dugu oinarri teknologikoa duen ekintzailetza, bereziki. Iaztik berriz, azpi-programa zehatz bat erantsi dugu, METATALENT, web3-a, blockchain teknologia, errealitate birtuala eta metabersoa barne hartzen dituena, etorkizunari begira interakzioa, lankidetza edo prestakuntza nahiz entretenimendua kontuan hartuz izango duen inpaktu nabarmenagatik, ekintzailetzan eta berrikuntzan aukera bikainak eskaintzen baitituzte, negozio-, produktu- eta zerbitzu-eredu berriak sortze aldera”. “Horrez gain, programa honetatik abiatuz komunitate bat garatzen ari gara kontaktuak ezartzeko, ezagutzak nahiz esperientziak partekatzeko eta baterako proiektuetan kolaboratzeko”, arbuiatu du.

Ekitaldia

METAPLAY gunearen helburua da Nafarroan ekosistema sendo, kolaboratzaile eta ireki bat sustatzea zeinek web 3-aren, blockchain-aren, metabertsoaren, errealitate birtualaren eta bideojolasen azelerazioa eta erabilera bultzatuko duen. Horrez gain, sektore hauetan, talentua nola erantsiren gainean sakondu da.

Horretarako, txosten eta mahai-inguru sorta bat antolatu dira zeinek langile, enpresa, startup eta ekintzaileentzako sortuko diren aukerak nola aurreikusi bilatu duten.

Ekitaldiaren baitan honako sektoreak landu dira:

· Gaming y eSport. Bideojolasen eta eSport-en industriak fakturazio handieneko industrietako bi dira. Horretarako garrantzitsua da ingurunea hala nola aukerak ezagutzea, baita bere etorkizuna eta blockchain-arekin nola lotzen den ere.

· Web3. Web3 izendatua webgunearen orainaldia eta etorkizuna da. Big dataren eta adimen artifizialaren garapenarekin sustatua izanik, web3-a blockchain-ean oinarritzen da; egitura deszentralizatu honetan, bere datuen jabe den erabiltzaile bakoitzak, token izendatuekin irudikatutako aktibo digitalak trukatu ahal izango ditu.

· Metabersoa eta VR. Metabersoa, askotariko erabiltzaileak interakzioan jardun ahal izateko moduko errealitatearekiko esparru birtual paralelo bat da. Errealitate birtuala garatuz sustatzen da eta gaming-a hala nola blockchain ingurunea barne hartzen ditu.