"Duela aste gutxi hil zen Pepe Mújica Uruguaiko presidente ohia, milioika pertsonarentzat erreferente etikoa, gazteen arazoen eta, batez ere, horiei aurre egiteko duten berezko gaitasunaren jakitun zena", adierazi du gaur goizean Begoña Alfaro hirugarren lehendakariorde eta Etxebizitzako, Gazteriako eta Migrazio Politiketako kontseilariak 2025eko Gazte Sarien banaketan. Bertan, gazteak "borrokatzeko ideiak altxatzera eta, Mújicak berak esango lukeen bezala, guztia irensten duen merkatu latz batek ez irensteko jardutera" animatu ditu.

Nafarroako Jauregiko Tronu Aretoan egindako ekitaldian, aintzatespena jaso dute Mirari Etxeberriak, 2025eko Pertsona Gaztearen Sariarekin; Nafarroako Irakaskuntza eta Zerbitzu Solidarioaren Sareak, Partaidetza Sozialaren Sariarekin; Iruñeko Gazte Orkestra Erakundearen Sariarekin; eta Iruñeko Gazteriaren Etxeak, JOVresaliente Espazioaren Sari berriarekin. Bertan parte hartu du, Alfaro lehendakariordeaz gain, Txema Burgaleta Nafarroako Gazteriaren Institutuko zuzendari gerenteak.

Alfarok deitoratu egin du “gazteak eragiten dieten politiken erdigunean kokatzen ez dakienaren onberatasuna”, eta nabarmendu du “gazteria etorkizuna bezala ulertzeari utzi behar zaiola, horren gainean irmo jokatu behar den oraina bezala ikusteko, asko eta garrantzitsuak baitira gure egungo gizartean aurre egitea eskatzen duten arazoak”. Ildo horretan, gogorarazi du Uruguaiko presidente ohiak beti esaten zuela “oso gaizki egon izan arren, beti duzula jaikitzeko eta besteei zerbait emateko gaitasuna, eta horren adibide dira gaur goizeko lau sarituak”.

Hala, Etxeberriaren “burugogorkeria” nabarmendu du, “terminoaren zentzu zabal eta positiboenean”. “Burugogorkeria horrek 20 urterekin Iruñeko Gazte Orkestra sortzera eraman zuen, 20 pertsonarekin osatuta, eta gaur egun 200 pertsona baino gehiagok osatzen dute. Burugogorkeria horrek etengabe sustatzera bultzatzen du proiektu hau mantentzeko eta zabaltzeko jokabidea”. Eta gaineratu du: “Emakume gazte batek, bizitzaren zentzu kritikoa duenak, bidegabekeriaren aurrean harrotzen denak eta egun batean ideia bat izan zuenak, borrokatzeko arrazoi bat, amaren tripatik bertatik mamitu zuen arrazoi bat, izateagatik borrokatzen jarraitzen duela”.

Nafarroako Ikaskuntza eta Zerbitzu Solidarioko Sarearen ordezkari gisa, bertako presidente Francisco Sotok jaso du erakunde hori prestakuntza eta gizarte-ekintza uztartzen dituzten eta gazteak prozesuen protagonista izatea ahalbidetze duten proiektuen bultzatzaile gisa aitortzen duen saria. “Zuen lanari esker, buru kritikoak, anaidiak, solidarioak, kontzienteak eta giza eskubideen defendatzaileak eratzen dira, gizarte demokratikoago, bidezkoago eta inklusiboago bati hobeto laguntzen diotenak”, azpimarratu du Alfarok.

Halaber, presidenteordea Iruñeko Gazte Orkestrari zuzendu zaio, eta “izaera parte-hartzailea eta horizontala” eta “diziplina artistiko desberdinen arteko sormena eta lankidetza” sustatzeko duen ahalegina azpimarratu ditu. Horren ondorioz, Euskalduna Jauregian, Baluarten eta Gayarre Antzokian aritu izan da, eta Iruñeko Ganbera Operarekin edo Nafarroako Abesbatzen Fundazioarekin lankidetzan aritu izan da. Saria jasotzeaz, orkestrako kidea den Íñigo Hernández Fernández de Retana arduratu da.

Azkenik, eta edizio honetako berrikuntza gisa, Iruñeko Gazteriaren Etxeari JOVresaliente Espazioari Saria eman zaio, “Iruñean eta Eskualdean gazteen belaunaldi askorentzat erreferentea delako eta aitzindaria izan zelako estatu mailan 1969an sortu zenean”, adierazi du Alfarok. Horren ordezkari gisa, Iruñeko Udaleko Mikel Armendariz Sustapen Ekonomikoko, Europako Proiekzioko, Berrikuntzako, Gazteriako eta Garapenerako Lankidetzako zinegotzi delegatuak jaso du aitorpena.