Nafarroako Lehendakari María Chivite Navascués eta RENFEko presidente Raül Blanco bat datoz erkidegoan zerbitzua ematen duten trenen flota berritzeko beharrarekin, zerbitzua hobetzeko eta garraiobide hori erabiltzen duten herritarrei arreta emateko. Izan ere, aldi baterako plangintza bat lantzen ari dira berrikuntza hori ezartzeko.

Biek bilera egin dute gaur goizean Nafarroako Jauregian, eta bertan hainbat gai aztertu dituzte, baita Nafarroako herritarrek trena hartzeko duten ohitura handia ere, eta konpromisoa hartu dute Foru Komunitatearen komunikazioak hobetzeko arloak lantzen jarraitzeko, prestazio handiko trena iristeak “tren zerbitzuaren beharrezko hobekuntza kualitatiboa” ekarriko duela adierazteaz gain.