Maria Chivite Nafarroako Lehendakariak gaur eguerdian adierazi duenez, Foru Gobernua pozik dago Diputatuen Kongresuko talde parlamentarioek Hitzarmen Ekonomikoaren aldaketari emandako babesarekin. 

Gaurko Behe Ganberako Osoko Bilkurak bere idazketa berria eztabaidatu du eta onartu egingo du, “zerga berriak modernizatu eta eguneratze aldera”, esan du Chivitek.

Nafarroako Lehendakaria, Elma Saiz Ekonomia eta Ogasun kontseilariarekin batera, Behe Ganberara bertaratu da, Hitzarmen Ekonomikoaren aldaketaren gaineko eztabaidara.

Chiviteren esanetan, “Kongresuaren gehiengoaren ustean erreminta honekin ageriko egokitasun instituzional eta konstituzional bat lortu da”.

“Egokitasun konstituzionala, leialtasun instituzionala, akordioa, elkarrizketa eta adostasuna izan dira garaile. Nafarroa, Estatu multzoarekiko komunitate erabat solidarioa da”, adierazi du Lehendakariak, esanez itxaropena duela aldaketa “Diputatuen Kongresuko gehiengo zabal baten babesarekin onartua izateko, halaber Nafarroako Parlamentuaren gehiengo zabal batek onartu izan zuen bezala”.

Beraz, Senatuaren behin-betiko onespena soilik faltako litzateke.